उखुबारीमा किशोरीको शव फेला

स्थानीय होसनारायण यादवको उखुबारीमा शुक्रबार बिहान ९ बजे घाँस काट्न गएकी उनी अबेरसम्म नआएपछि खोजी गरिएको थियो । गाउँका रामएकवाल यादवका अनुसार सन्जाको शरीरमा एउटा पनि कपडा थिएन । ‘उनको बलात्कारपछि हत्या गरिएको हुन सक्छ,’ उनले भने, ‘घाँटीमा पनि चोट देखिएकाले घटना शंकास्पद छ । यसको यथार्थ अनुसन्धान हुनुपर्छ ।’ किशोरीका बुबा सीताराम साह कानुले पनि छोरीको हत्या भएको बताएका छन् ।

जिल्ला प्रहरीका डीएसपी भरत श्रेष्ठले किशोरीको शंकास्पद मृत्यु भएको बताए । इलाका प्रहरी गरुडाबाट समेत डीएसपी रवि रावलको टोली घटनास्थल पुगेको छ । किशोरीको शव उखुबारीबाट उठाइएको छैन । राति भएकाले प्रहरीले शनिबार बिहानबाट थप अनुसन्धानमा जुट्ने जनाएको छ ।