सर्लाही सदरमुकाम मलंगवामा कर्फ्यु- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

सर्लाही सदरमुकाम मलंगवामा कर्फ्यु

ओमप्रकाश ठाकुर

सर्लाही — सर्लाही सदरमुकाम मलंगवामा शनिबार दिउँसो २ बजेबाट आइतबार बिहान ८ बजेसम्म कर्फ्यु आदेश जारी भएको छ ।

मूर्ति विसर्जनको विषयलाई लिएर दुई समुदायबीचको विवाद झडपमा परिणत हुन थालेपछि हिंसा भड्किन नदिन स्थानीय प्रशासनले कर्फ्यु आदेश जारी गरेको हो । प्रमुख जिल्ला अधिकारी सुरेन्द्र पौडेलले स्थानीय प्रशासन ऐन २०२८ अनुसार सर्वसाधारणलाई घर बाहिर निस्कनै नपाउने गरी कर्फ्यु आदेश जारी गरिएको जानकारी दिए ।

बिहीबार विश्वकर्मा पूजाको मूर्ति शुक्रबार विर्सजन गर्न लैजाँदै गर्दा अवरोध भएपछि दुई समुदायबीच झडप भएको थियो । झडपमा दुवै तर्फका एक दर्जन भन्दा बढी घाइते भएका छन् ।

दुई समूहबीचको झडपपछि विश्वकर्मा पूजाको मूर्ति अहिले जिल्ला प्रहरी कार्यालय मलंगवामा राखिएको छ । घटनालाई साम्य पार्न बिहानैदेखि दुई पक्षबीच जिल्ला प्रहरी कार्यालयमा छलफल जारी छ । दुवै पक्षबाट धेरै मानिसहरु जम्मा हुन थालेपछि अप्रिय घटना नहोस् भन्ने अभिप्रायले कर्फ्यु आदेश जारी गरिएको प्रजिअ पौडेलले बताए ।

प्रकाशित : आश्विन ३, २०७७ १५:१५
प्रतिक्रिया
पठाउनुहोस्

दार्चुलामा थप २१ जनामा कोरोना पुष्टि

मनोज बडू

दार्चुला — दार्चुलामा शनिबार थप २१ जनामा कोरोना संक्रमण पुष्टि भएको छ ।

डडेल्धुरा प्रयोगशालामा गरिएको परीक्षणमा जिल्लाको मार्मा गाउँपालिकाका २० र महाकाली नगरपालिकाका एक जनामा कोरोना पुष्टि भएको हो ।

संक्रमित मध्ये १९ जना पुरुष र दुई जना महिला रहेको स्वास्थ्य कार्यालय दार्चुलाका सूचना अधिकारी खगेन्द्र कार्कीले जानकारी दिए । संक्रमितहरु भारतबाट फर्किएको र हाल क्वारेन्टाइनमा छन् ।

एकैदिन जिल्लाभरी २१ जनामा कोरोना पुष्टि भएको यो पहिलो पटक हो । योसँगै जिल्लामा कोरोना संक्रमितको संख्या ८० पुगेको स्वास्थ्य कार्यालय दार्चुलाले जनाएको छ ।

प्रकाशित : आश्विन ३, २०७७ १४:४४
पूरा पढ्नुहोस्
प्रतिक्रिया
पठाउनुहोस्
×