सिरहामा प्याज कालोबजारी गर्ने तीन जना पक्राउ

जिल्ला प्रहरी कार्यालयका डीएसपी शालिग्राम पौडेलका अनुसार प्याज कालोबजारी भइरहेको गुनासो बढेपछिस्थानीय प्रशासन, उद्योग वाणिज्य संघ, जनप्रतिनिधिसहित टोलीले अनुगमन गरेको थियो । त्यस क्रममा कालोबजारीमा संलग्न गोलबजार नगरपालिका–४ स्थित जयलक्ष्मी सब्जी भण्डारका सञ्चालक उमेशप्रसाद साह, जय मातादी सब्जी भण्डारका सञ्चालक विनोदकुमार साह र लहान नगरपालिका–३ स्थित गंगा ट्रेडर्सका सञ्चालक रामनारायण नायकलाई पक्राउ गरिएको छ । उनीहरूमाथि थप अनुसन्धान भइरहेको डीएसपी पौडेलले बताए ।