सप्तरीमा एकैदिन ५० संक्रमित- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

सप्तरीमा एकैदिन ५० संक्रमित

अवधेशकुमार झा

राजविराज — सप्तरी प्रशासनले निषेधाज्ञा हटाएकै दिन मंगलबार जिल्लामा सबभन्दा बढी संक्रमित देखिएका छन् । राजविराजस्थित गजेन्द्रनारायण सिंह अस्पतालमा रहेको ल्यावमा गरिएको परीक्षण रिपोर्टअनुसार मंगलबार राजविराज नगरपालिकामा ४४ सहित जिल्लाभरी ५० जना संक्रमित थपिएका हुन् । 

जिल्ला स्वास्थ्य कार्याल्य सप्तरीका अनुसार राजविराज नगरपालिकाका बिभिन्न वडा र सरकारी कार्यालयका गरी ११ महिला र ३३ पुरुषमा मंगलबार कोरोना पुष्टि भएको छ । संक्रमण पुष्टि हुनेमा राजविराजस्थित छिन्नमस्ता अस्पतालमा कार्यरत २ जना, शम्भुनाथ नगरपालिकामा २ तथा छिन्नमस्ता गाउँपालिका र हनुमाननगर कंकालिनी नगरपालिकाका १–१ जना रहेका छन् ।

सप्तरीमा हालसम्म १ हजार ९० जनामा कोरोना संक्रमण पुष्टि भएको छ । ८ जनाको मृत्यु भएको भने ७ सय ३६ जना निको भएर घर फर्किएका छन् । हाल जिल्लामा ३ सय ४६ जना संक्रमित होम तथा सरकारी आइसोलेसनमा रहेका छन् ।


प्रकाशित : भाद्र ३०, २०७७ १८:१२
प्रतिक्रिया
पठाउनुहोस्

प्रदेश ५ का २ सय ४९ जनामा लक्षणसहितको कोरोना

अमृता अनमोल, सन्जु पौडेल

बुटवल/तिलोत्तमा — प्रदेश ५ मा लक्षणसहितका कोरोना संक्रमितको संख्या २ सय ४९ पुगेको छ ।  तीमध्ये २ सय २२ जना कोरोना विशेष अस्पतालमा उपचाररत छन् ।

जटिल समस्या भएका २२ जना आईसीयू र एक जना भेन्टिलेटरमा रहेको सामाजिक विकास मन्त्रालयका सूचना अधिकारी पुष्पराज पौडेलले बताए । कोरोनाका कारण ४९ जनाको मृत्यु भएको छ ।

मंगलबार ९७ जना संक्रमित थपिएसँगै प्रदेश ५ मा कोरोना संक्रमितको संख्या ८ हजार ५ सय ४४ पुगेको छ । संक्रमित मध्ये २ हजार १ सय ७९ जना उपचाररत छन् ।

प्रदेशमा मंगलबार थप १ सय ३१ कोरोना मुक्त भएका छन् । यससँगै प्रदेशमा अहिलेसम्म ६ हजार २ सय २८ जना संक्रमीत कोरोनाबाट मुक्त भएका छन् ।

यसैबीच, रुपन्देहीमा २६ महिला र ३२ पुरुष गरेर पछिल्लो २४ घण्टामा ५८ नयाँ संक्रमित थपिएका छन् । कूल १ हजार ८ सय २१ संक्रमित रहेको जिल्लामा कोरोनाबाट ८ सय ३९ जना निको भएका छन् ।

मंगलबार जिल्लामा बुटवल उपमहानगरपालिकाका ३०, सिद्धार्थनगरका ८, कन्चन गाउँपालिकाका ६, रोहिणीका ११ र देवदहका ३ रहेका छन् ।

हाल जिल्लामा ९ सय ६२ संक्रमित उपचाररत रहेका छन् भने १५ जनाको मृत्यु भइसकेको छ ।

प्रकाशित : भाद्र ३०, २०७७ १८:०७
पूरा पढ्नुहोस्
प्रतिक्रिया
पठाउनुहोस्
×