बारा र पर्सामा सुरक्षाकर्मीसहित थप ४५ जनालाई कोरोना- प्रदेश २ - कान्तिपुर समाचार

बारा र पर्सामा सुरक्षाकर्मीसहित थप ४५ जनालाई कोरोना

भूषण यादव

वीरगन्ज — नारायणी अस्पतालको प्रयोगशालामा बिहीबार ५ सय ८४ जनाको स्वाब परीक्षण गर्दा ४५ जनामा कोरोना संक्रमण पुष्टि भएको छ । संक्रमितमध्ये २६ जना पर्सा र १९ जना बाराका हुन् ।

१० जनामा कन्ट्याक्ट ट्रेसिङका क्रममा कोरोना संक्रमण देखिएको हो । नारायणी अस्पतालका प्रवक्ता डा. अतुलेश चौरसियाका अनुसार १० महिलासहित १८ देखि ४५ वर्ष उमेरसमूहका ४५ जनामा कोरोना पुष्टि भएको हो । वीरगन्ज महानगरपालिकाका विभिन्न वडामा १९ जना संक्रमित थपिएका छन् ।

वीरगन्जको आदर्शनगरमा रहेको नबिल बैंकका ५ जना कर्मचारीमा पनि कोरोना पोजिटिभ देखिएको छ । पर्साको कालिकामाई गाउँपालिकाको वडा नं १ मा दुई र वडा नं ३ मा एक जनामा कोरोना संक्रमण पुष्टि भएको छ । सखुवाप्रसौनी गाउँपालिका–४ मा दुई र वडा ५ मा एक जनामा कोरोना देखिएको छ । पटेर्वासुगौली गाउँपालिकाको निचुटा स्वास्थ्य चौकीका एक कर्मचारी पनि संक्रमित भएका छन् ।

बाराको निजगढ नगरपालिकाको विभिन्न वडामा १४ जना संक्रमित थपिएका छन् । इलाका प्रहरी कार्यालय निजगढका ६ जना थुनुवामा कोरोना पुष्टि भएको छ । निजगढमै रहेको कामना विकास बैंकका एक कर्मचारीमा पनि कोरोना देखिएको छ । सशस्त्र प्रहरी बल पिलुवाका दुई सुरक्षाकर्मीमा संक्रमण देखिएको छ । राष्ट्रिय वाणिज्य बैंक कलैयाका ३ जनामा कोरोना पुष्टि भएको छ ।

प्रकाशित : भाद्र १९, २०७७ १०:१५
प्रतिक्रिया
पठाउनुहोस्

बुटवलमा ७८ वर्षीय कोरोना संक्रमित पुरुषको मृत्यु

अमृता अनमोल

बुटवल — रुपन्देहीको कोरोना विशेष अस्पताल बुटवलमा उपचाररत  थप एक  कोरोना संक्रमित पुरुषको मृत्यु भएको छ ।

बुटवल उपमहानगरपालिका ८ का ७८ वर्षीय कोरोना संक्रमित पुरुषको शुक्रबार बिहान ९ बजे मृत्यु भएको अस्पतालका सूचना अधिकारी डा. विष्णु गौतमले बताए । ती पुरुष सुगर र प्रेसरका बिरामी रहेको डा. गौतमले बताए ।

‘श्वासप्रश्वासमा समस्या आएपछि बिरामी भदौ ४ गते अस्पतालको आइसीयुमा भर्ना भएका थिए,’ उनले भने ‘उनी ९ दिनदेखि भेन्टिलेटरमा थिए ।’ अस्पतालमा जटिल समस्या भएका थप ३ जना भेन्टिलेटर र १६ जना आईसीयूमा छन् ।

प्रकाशित : भाद्र १९, २०७७ ०९:५४
पूरा पढ्नुहोस्
प्रतिक्रिया
पठाउनुहोस्
×