निषेधाज्ञा कडाइ गर्न वीरगन्जमा सेना परिचालन- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

निषेधाज्ञा कडाइ गर्न वीरगन्जमा सेना परिचालन

भूषण यादव

वीरगन्ज — जारी निषेधाज्ञाको २२ औं दिनमा स्थानीय प्रशासनले वीरगन्जमा सेना परिचालन गरेको छ । निषेधाज्ञालाई थप कडाइका साथ लागू गर्न साउन ३२ देखि भदौ १३ गते बिहान ५ बजेसम्म नेपाल प्रहरी र सशस्त्र प्रहरीको सहयोगार्थ नेपाली सेना परिचालित हुने गरी निषेधाज्ञा आदेश जारी भएको प्रमुख जिल्ला अधिकारी अस्मान तामाङले जनाएका छन् । 

कोभिड–१९ रोकथाम, नियन्त्रण, उपचार तथा व्यवस्थापनलाई प्रभावकारी बनाउन जिल्ला सुरक्षा समितिले साउन १० गते बिहान ५ बजेदेखि अर्को आदेश नभएसम्मको लागि वीरगन्ज महानगरपालिका क्षेत्रभरी र साउन १८ गते बिहान ५ बजेदेखि अर्को आदेश नभएसम्मका लागि पर्सा जिल्लाभरि निषेधाज्ञा लागू गरेको थियो ।

प्रकाशित : श्रावण ३२, २०७७ २०:१३
प्रतिक्रिया
पठाउनुहोस्

भट्टविरुद्धको अन्तरिम आदेशले निरन्तरता पाएन, सोमबारदेखि काम गर्न पाउने

कृष्ण ज्ञवाली

काठमाडौँ — लगानी बोर्डका प्रमुख कार्यकारी अधिकृत(सीईओ)मा नियुक्त सुशिल भट्टले सोमबारदेखि काम गर्न पाउने भएका छन् ।

उच्च अदालत पाटनले उनलाई तत्काल काम गर्न नदिनु र सरकारको निर्णय यथास्थितीमा राख्‍ने भन्‍ने आदेशलाई निरन्तरता दिन नपर्ने भन्ने अर्को आदेश गरेको हो । पछिल्लो आदेशसँगै उनले सोमबारदेखि कार्यालय गएर काम गर्न पाउने भएका छन् ।

न्यायाधीशहरु ईश्वरराज आचार्य र ठाकुरप्रसाद पौडेलको इजलासले सीईओमा नियुक्त भट्टले नियुक्तीपत्र लिई पदबहाल गरिसकेको भन्‍ने आधार देखाएर अन्तरिम आदेशलाई निरन्तरता दिन नपर्ने भन्ने आदेश गरेको हो । आदेशका अनुसार, मुद्दाको बहसका क्रममा भट्टको नियुक्ती र हाजिरीको फारमको फोटोकपी नै पेश गरेकाले अन्तरिम आदेशको निरन्तरताको आवश्यकता परेन ।

उच्च अदालतले उनको योग्यतामाथिको विवाद भने मुद्दाको अन्तिम किनारा लाग्दा टुंगिने भनि आदेश गरेको छ । रिट निवेदनमा उनको योग्यतालाई मुख्य आधार बनाइएको थियो । अधिवक्ता जयबहादुर भुजेलले प्रमुख कार्यकारी अधिकृत(सीईओ)मा भट्टको योग्यता नपुग्‍ने दाबी गरेका थिए ।

भट्टले काठमाडौं विश्वविद्यालयबाट इञ्जिनियरिङमा स्नातक र एमबीए गरेका छन् । योजना आयोगमा सदस्य भएको करिब दुई वर्षको मात्रै अनुभव थियो । योजना आयोगको सदस्य व्यवस्थापकीय पद होइन । ऐनले तोके अनुसार १० वर्षको व्यवस्थापकीय अनुभव नपुग्‍ने रिट निवेदनमा दावी थियो ।

भट्टले आफ्नो भाईको कम्पनी, विभिन्न बैंक र डेनमार्कको सहयोग नियोग(डानिडा)मा केही वर्ष काम गरेको अनुभव पेश गरेका थिए । तर उच्च अदालतले यी विषय निवेदनको अन्तिम सुनुवाईका बेलामा निरुपण हुने भनी आदेश गरेको छ ।

प्रकाशित : श्रावण ३२, २०७७ १९:५८
पूरा पढ्नुहोस्
प्रतिक्रिया
पठाउनुहोस्
×