शनिबार बिहान वीरगन्जमा मृत्यु भएका व्यक्तिमा कोरोना पुष्टि

वीरगन्ज महानगरपालिका–२० अठराहा सुगौलीका ४७ वर्षीय पुरुषको मृत्यु भएपछि स्वाब परीक्षण गर्दा कोरोना संक्रमण पुष्टि भएको नारायणी अस्पतालका प्रमुख मेडिकल सुपरिटेन्डेन्ट डा.मदन कुमार उपाध्यायले जानकारी दिए ।

शनिबार बिहान स्वास्थ्य बिग्रिएपछि परिवारले उनलाई नारायणी अस्पताल ल्याएका थिए । उनमा स्वासप्रश्वासको समस्या देखिएको थियो । नाक र मुखबाट रगतसमेत निस्केको थियो ।

अस्पतालको आकस्मिक कक्षमा ल्याएको केही समयमै ती पुरुषको मृत्यु भएको चिकित्सकले जनाएका छन् ।