सिरहाबाट ब्राउन सुगरसहित ६ पक्राउ
सिरहा — लागूऔषध ब्राउन सुगरसहित प्रहरीले सिरहाको गोलबजार डेहोटियाबाट आइतबार ६ जनालाई पक्राउ गरेको छ । जिल्ला प्रहरी कार्यालय सिरहाका अनुसार विशेष सुराकीको आधारमा गोलबजार नगरपालिका–६ का पाण्डव गुप्ताको घरबाट १ ग्राम दुई सय मिलिग्राम ब्राउन सुगर बरामद गरिएको हो ।
ब्राउन सुगरसहित पक्राउ पर्नेमा गोलबजार नगरपालिका–६ डेहोटियाका पाण्डव गुप्ता, सुरज परियार, रोशन लामा, शिरिल महरा, गोलबजार नगरपालिका–४ का सैफली मियाँ र गोलबजार नगरपालिका–५ का विवेक श्रेष्ठलाई छन् । उनीहरुले ब्राउन सुगर बिक्रीका लागि राखिएको प्रहरीले पत्ता लगाएको छ ।
प्रतिक्रिया
