प्रदेश प्रहरी तालिम केन्द्रका ६ जनालाई कोरोना संक्रमण- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

प्रदेश प्रहरी तालिम केन्द्रका ६ जनालाई कोरोना संक्रमण

अवधेशकुमार झा

राजविराज — राजविराजस्थित प्रदेश प्रहरी तालिम केन्द्रका ६ जना प्रहरीमा सोमबार साँझ कोरोना संक्रमण पुष्टि भएको छ ।्

सोमबार साँझ पुष्टि भएका ७ जनामध्ये ६ जना प्रहरी तालिम केन्द्रका प्रहरी र एकजना बिमा कम्पनीमा काम गर्ने कर्मचारी रहेको जिल्ला स्वास्थ्य कार्यालय सप्तरीले जनाएको छ । प्रहरीहरुले आफ्नो ठेगाना राजविराज–८ लेखाइदिएका कारण कोरोना पुष्टि भएको ४ घण्टासम्म उनीहरुको पहिचान हुन सकेको थिएन ।

स्वास्थ्य कार्यालय प्रमुख दुनियाँलाल यादवका अनुसार तालिम केन्द्रभित्रका अन्य ५ जना प्रहरीलाई ज्वरो आएको सूचना प्राप्त भएको बताए । उनले तालिम केन्द्रमा रहेका अन्य प्रहरीको पनि स्वाब संकलनको तयारी भएको जानकारी दिए ।

तालिम केन्द्रका प्रमुख एसएसपी हरिराज वाग्लेका अनुसार तालिम केन्द्रमा हालसम्म ७ जना प्रहरी संक्रमित भएका छन् ।

प्रकाशित : श्रावण १९, २०७७ २१:५६
प्रतिक्रिया
पठाउनुहोस्

कोरोना संक्रमितको गरियो डायलसिस

भूषण यादव

वीरगन्ज — कोरोना संक्रमित एक बिरामीको डायलसिस गरिएको छ । २४ वर्षीय ती संक्रमित युवतीको सोमबार वीरगन्जमा डायलसिस गरिएको हो ।

नारायणी अस्पतालमा डायलसिस गराउँदै आएका बिरामी मध्ये ३ जनामा गत साउन १५ मा कोरोना संक्रमण पुष्टि भएको थियो ।

डायलसिस विभागका कर्मचारीमा पनि संक्रमण देखिएको थियो । नारायणी अस्पताल मृगौला विभागका डा.निरज कुमार सिंहका अनुसार मृगौलाका बिरामीमा संक्रमण पुष्टि भएपछि अन्य बिरामीसँगै डायलसिस कसरी गर्ने भनेर अन्योलता थियो । ‘नारायणी अस्थायी कोरोना अस्पतालमा बनाइएको वीरगन्ज हेल्थ केयर हस्पिटलमा कोरोना संक्रमित मृगौलाका बिरामीको डायलसिस गरिएको छ,’ डा.सिंहले भने, ‘समयमै डायलसिस नहुँदा बिरामीको स्वास्थ्य बिग्रिने खतरा थियो ।’

प्रकाशित : श्रावण १९, २०७७ २१:०३
पूरा पढ्नुहोस्
प्रतिक्रिया
पठाउनुहोस्
×