वीरगन्ज महानगरका मेयरलाई कोरोना संक्रमण

‘वीरगन्जवासीको सेवामा अनवरत रुपमा लाग्दा लाग्दै म स्वयम् कोरोनाको संक्रमणको चपेटामा परेको छु । म अहिले उपचारार्थ छु, मेरो स्वास्थ्य अवस्था सामान्य छ । मैलै छिट्टै नै कोरोनालाई जित्ने छु’ बिहीबार बेलुका सरावगीले आफ्नो फेसबुक पेजमा लेखेका छन् । सरावगीका प्रेस सल्लाहकार गोविन्द देवकोटाका अनुसार काठमाडौंस्थित उनको अपार्टमेन्टमा उपचारको व्यवस्था मिलाइएको छ । ‘बुधबार बेलुका स्वाब परीक्षणका लागि दिइएको थियो,’ देवकोटाले भने, ‘बिहीबार बेलुका पोजिटिभ रिपोर्ट आएको छ ।’