सप्तरीमा थप १३ जनामा कोरोना पुष्टि

कान्तिपुर संवाददाता

राजविराज — सप्तरीमा आइतबार साँझ थप १३ जनामा कोभिड-१९ पोजिटिभ देखिएको छ । योसँगै जिल्लामा आइतबार मात्र संक्रमितको संख्या २० पुगेको छ ।

साँझ संक्रमण पुष्टि भएकाहरुमा राजगढ गाउँपालिकाका ६ जना,राजविराज नगरपालिकाका ३ जना,हनुमाननगर कंकालिनी नगरपालिकाका ३ जना र डाकनेश्वरी नगरपालिकाका १ जना रहेको जिल्ला स्वास्थ्य प्रमुख दुनियालाल यादवले बताए ।

आइतबार दिउँसो एक न्यायाधीश र एक प्रहरीसहित ७ जनामा कोरोना संक्रमण पुष्टि भएको थियो ।

जिल्लामा हालसम्म ४ सय ४७ जनामा कोरोना संक्रमण देखिएको छ । तीमध्ये ३ सय १२ जना निको भएर घर फर्किएका छन् भने कोरोनाबाट एक जनाको मृत्यु भएको छ ।

प्रकाशित : श्रावण ११, २०७७ २०:१९
प्रतिक्रिया
पठाउनुहोस्

'इनफ इज इनफ' अभियन्ताले दिए अर्थमन्त्री र सचिवविरुद्ध अख्तियारमा उजुरी

कान्तिपुर संवाददाता

काठमाडौँ — 'इनफ इज इनफ' अभियानका ५० जना अभियन्ताले अर्थमन्त्री युवराज खतिवडा र सचिव शिशिरकुमार ढुंगानाविरुद्ध अख्तियार दुरुपयोग अनुसन्धान आयोगमा उजूरी दर्ता गरेका छन् । कोभिड - १९ को महामारीबाट नागरिकहरूलाई जोगाउन ठूलो बजेट खर्च गरेको तर त्यसको अनुगमन नभएको र यसले भ्रष्टाचारलाई प्रोत्साहन दिएको भन्दै उनीहरुले अनुसन्धान गरी कारबाही गर्न माग गरेका छन् ।

साथै उनीहरूले अर्थ मन्त्रालयमा कोभिड-१९ महामारी व्यवस्थापन, नियन्त्रण तथा रोकथामको लागि संघीय सरकारका अन्य मन्त्रालय तथा त्यस माताहतका निकायहरू तथा प्रदेश तथा स्थानीय तहका सरकारहरूलाई विभिन्न शीर्षकमा भएको खर्चको विवरण माग गर्दै सूचनाको हकको निवेदन दर्ता पनि गराएको बताएका छन् । पुकार बमलगायतका अभियन्ताले निवेदन दिएका हुन् ।

सरकारले १२ बुँदे सम्झौता गरेर पनि माग पूरा नगरेको भन्दै अभियन्ता ई: सहित समाइरा श्रेष्ठ र करण गुरुङ वसन्तपुर दरबार क्षेत्रमा सत्याग्रमा बसिरहेका छन् । उनीहरु ९ दिनदेखि अनसनमा छन् ।

प्रकाशित : श्रावण ११, २०७७ २०:०८
पूरा पढ्नुहोस्
प्रतिक्रिया
पठाउनुहोस्
×