कान्तिपुर वेबसाईट
AdvertisementAdvertisement

बाढीमा सतर्कता अपनाउन मुख्यमन्त्रीको निर्देशन

कान्तिपुर संवाददाता

जनकपुर — लगातारको वर्षाले बाढीको जोखिम रहेको भन्दै प्रदेश २ का मुख्यमन्त्री लालबाबु राउतले सुरक्षा निकायका सबै अंगलाई उच्च सतर्कतामा बस्न निर्देशन दिएका छन् । सुरक्षा अंगका सबै निकायलाई शुक्रबार मुख्यमन्त्री तथा मन्त्री परिषदको कार्यालयमा डाकेर मुख्यमन्त्री राउतले ‘स्ट्यान्ड बाइ’ रहन निर्देशन दिएका हुन् । 


विपद् व्यवस्थापन समितिको बैठकमा मुख्यमन्त्री राउतले प्रदेशको आठवटै जिल्ला बाढीको उच्च जोखिममा रहेको हुँदा जोखिम न्यूनिकरणलाई तयारी अवस्थामा बस्न निर्देशन दिए । ‘गत वर्ष पनि बाढी र डुबानले प्रदेश २ मा निकै क्षति पुर्‍यायो,’ मुख्यमन्त्री राउतले सुरक्षा निकायका प्रमुखहरुसित भने, ‘पानी लगातार परिरहेको छ । जुनसुकै बेला काबू बाहिरको अवस्था आउन सक्छ । त्यसलाई रोक्न सुरक्षा अंग नै अग्रिम मोर्चामा रहनुपर्छ ।’

बाढी र डुबानको जोखिम न्यूनिकरणका लागि आन्तरिक मामिला तथा कानुन मन्त्रालय र सुरक्षा निकायहरुले गरेको तयारीबारे जानकारी लिँदै मुख्यमन्त्री राउतले बाढीबाट जनधनको क्षति न्यून गर्न र जोमिख क्षेत्रमा थप सतर्कता अपाउन आग्रह गरे । मुख्यमन्त्री राउतले बाढी र डुबानको जोखिम कम गर्न आवश्यक समाग्री तत्कालै उलपब्ध गराउन सम्बन्धित मन्त्रीहरु निर्देशन दिए ।

बैठकमा नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धान विभागका प्रदेश प्रमुख तथा प्रतिनिधिको उपस्थिति थियो ।


प्रकाशित : असार २६, २०७७ १४:२०
प्रतिक्रिया
पठाउनुहोस्

भारतीय सेनाबाट छिट्टै रिटार्यड हुने तयारीमा थिए सम्बर !

हरिराम उप्रेती

काठमाडौँ — प्रमोसन भएपछि खुसी थिए उनी । भारतीय सेनामा कार्यरत गोरखाका सम्बर गुरुङ छुट्टी मिलाएर गाउँ आइरहन्थे । परिवार र छिमेकीसँग रमाउँथे । तर तिनै छिमेकी र आफन्तले शुक्रबार बिहानै दु:खद खबर सुन्नुपर्‍यो । भारतीय सीमा रक्षाका क्रममा ३६ वर्षीय गुरुङको शुक्रबार बिहान निधन भएको खबर सुनेसँगै परिवार र छिमेकी विक्षिप्त छन् । 

आरुघाट गाउँपालिका–१, मान्वुस्थित माझगाउँका सम्बरले गत कात्तिकमा घर आएका बेला हवल्दार भइसकेकाले अब केही वर्षमा रिटायर्ड ‘लाइफ’ बिताउने कुरा आफन्त र छिमेकीलाई सुनाएका थिए । ‘बिहानै दु:खद खबर सुन्नुपर्‍यो,’ उनका दाजु जितबहादुर गुरुङले टेलिफोन कुराकानीमा कान्तिपुरसँग भने, ‘सिपाहीबाट हवल्दार भइसकेको थियो, जागिरको अवधि पनि धेरै वर्ष थिएन, यस्तो खबर सुन्नुपर्‍यो । १८–१९ वर्ष त भइसक्यो । अब धेरै वर्ष जागिरको अवधि थिएन ।’

सम्बरका दुई छोरी र श्रीमती काठमाडौंमा रहेको जितबहादुरले जानकारी दिए । परिवारका सदस्य र छिमेकी अहिले मृतकको अन्तिम संस्कारका लागि भारतीय सीमा क्षेत्र जाने तयारीमा छन् । ‘अन्तिम संस्कार कहाँ र कसरी गर्ने भन्ने त अलमलमै छौँ, काठमाडौमा बुहारी छिन्, भेट भएपछि यसबारे सल्लाह गर्छौं, तर भारतीय सीमा क्षेत्र त पुग्नै पर्‍यो, कोरोनाले गाडी चलेको छैन, पास बनाएर सीमा क्षेत्र जान लागेका छौँ ।’

जम्मू–कश्मीरको लाइन अफ कन्ट्रोल(एलओसी) क्षेत्र नजिक शुक्रबार सवेरै पाकिस्तात तर्फबाट भएको गोलीबारीमा जम्मू–कश्मीरको रजौरी जिल्लाको नौसेरा क्षेत्रमा खटिएका सम्बरको मृत्यु भएको हो ।

सम्बन्धित समाचार

प्रकाशित : असार २६, २०७७ १४:१४
पूरा पढ्नुहोस्
प्रतिक्रिया
पठाउनुहोस्
×