राजविराजमा प्रधानमन्त्रीको पुतला दहन
राजविराज — नागरिकता संशोधन विधेयक विभेदकारी रहेको भन्दै जनता समाजवादी पार्टी निकटका युवा र विद्यार्थीहरुले मंगलबार साँझ सप्तरीको सदरमुकाम राजविराजमा प्रधानमन्त्री केपी शर्मा ओलीको पुत्ला जलाएका छन् ।
उक्त विधेयकको खारेजीको मागसहित उनीहरुले राजविराजमा प्रदर्शनपछि स्थानीय नेताचोकमा प्रधानमन्त्रीको पुत्ला जलाएका हुन् । पुत्ला जलाउने क्रममा प्रदर्शनकारी र प्रहरीबीच पटक पटक झडप भएको थियो ।
पुत्लामा आगो लगाउन थालिएपछि प्रहरीले पुत्ला खोस्ने प्रयास गरेको थियो । प्रर्दशनकारीले पुत्ला खोस्न नदिने भनेपछि झडप भएको हो ।
नागरिकता संशोधन विधेयक ल्याएर सरकारले विभेद गर्न खोजेकाले विरोधमा प्रधानमन्त्रीको पुत्ला जलाइएको प्रदर्शनकारीहरुले बताए ।
प्रकाशित : असार ९, २०७७ १९:१०प्रतिक्रिया