कान्तिपुर वेबसाईट
AdvertisementAdvertisement

राधादेवी सदालाई राहत

अवधेशकुमार झा

राजविराज — घरमा खाद्यान्न नहुँदा भोकै बस्नुपर्ने विवशतासँग लड्दै आएकी सप्तरीको छिन्नमस्ता गाउँपालिका ३ की राधादेवी सदालाई राहत जुट्न थालेको छ । चार महिनाका छोरा शिवम्‌लाई दूध खुवाउन समेत नसकीरहेकी राधादेवीलाई शुक्रबार केही व्यक्ति र संस्थाले नगद र खाद्यान्न सहयोग गरेका हुन् । उनी भोकै रहेको समाचार कान्तिपुरमा समाचार प्रकाशित भएपछि सहयोग जुटन थालेको हो । 

शुक्रबार क्रिएसन नेपालले १० हजार, जनता सामाजवादी पार्टीका केन्द्रीय सदस्य अनिल महासेठले ५ हजार र काठमाडौं डिल्लीबजारका मणिदेव भट्टराईले ५ हजार रुपैयाँ राधादेवीलाई सहयोग गरेका छन् । यसैगरी सप्तरी युथका विष्णु यादवले २५ किलो चामल र शिक्षक गजेन्द्रप्रसाद दासले १० किलो चामललगायत खाद्यान्न सामग्री राधादेवीलाई सहयोग गरेका छन् ।

सम्बन्धित समाचार

प्रकाशित : जेष्ठ २३, २०७७ १८:३५
प्रतिक्रिया
पठाउनुहोस्

यूएईबाट शिशुसहित १ सय ६८ जना नेपाली आइपुगे

होम कार्की, सुरज कुँवर

काठमाडौँ — संयुक्त अरब इमिरेट्स (यूएई)बाट एक शिशुसहित १ सय ६८ जना नेपाली कामदार शुक्रबार आइपुगेका छन् । जसमा १ सय ५५ जना पुरुष र १३ जना महिला रहेका छन् ।

उनीहरु एयर अरेबियाको उडान नम्बर जी ९:१७५१ नम्बरको उडान मार्फत त्रिभुवन विमानस्थलमा साँझ ५:३६ मा आइपुगेका हुन् । जहाजमा ३३ वर्षीय एक नेपालीको शव पनि छ । उनीहरुलाई नेपाली सेनाले तोकिएको होल्डिङमा लैजाने तयारी गरेको छ ।

जहाजमा नेपाली दूतावासले प्राथमिकताको आधारमा तय गरेको यात्रु छैन । विमान दुई वटा सुरक्षा कम्पनीमा करार अवधि समाप्त भएका नेपाली सुरक्षा गार्डहरु रहेका छन् । ट्रान्सगार्ड कम्पनीका ७९ जना र इजादा कम्पनीका ६७ जना छन् । उनीहरु सुरक्षागार्ड हुन् । बाँकी अन्य कम्पनीमा कार्यरत थिए ।

त्यसमा अधिकांस चैत ११ गते उडान गर्न सारजाहा र दुबई विमानस्थलबाट फर्केका कामदार हुन् । सुरक्षा गार्डको रुपमा कार्यरत अर्जुन चौहानले करारपत्र रद्द भएपछि कम्पनीले नै नेपाल ल्याउने प्रबन्ध मिलाएको बताए । ट्रान्सगार्ड कम्पनीले यूएईमा लकडाउन भएपछि २४ सय नेपालीलाई रोजगारबाट निष्कासन गरेको थियो ।

जहाजमा सरकारले प्राथमिकतामा राखेको नेपाली यात्रु परेको छैन । नेपाली दूतावासले छनोट गरेको कामदार नपरेपछि उडानलाई अनुमति दिने कि नदिने भन्‍ने बिहानदेखि नै विवाद परेको थियो । जसले गर्दा विमान तोकिएको समयमा उडान गर्न पाएको थिएन ।

विमानभित्र प्रवेश गरिसकेको यात्रुलाई बाहिर निकालिएको थियो । फेरी नेपाल सरकारको एउटा फाराममा हस्ताक्षर गर्न लगाइपछि निर्धारित समयभन्दा ४० मिनेट ढिलो गरी सारजाहा विमानस्थलबाट विमान उडाइएको हो ।

प्रकाशित : जेष्ठ २३, २०७७ १८:२०
पूरा पढ्नुहोस्
प्रतिक्रिया
पठाउनुहोस्
×