कान्तिपुर वेबसाईट
AdvertisementAdvertisement

मुंग्रो प्रहार गरी सर्लाहीमा एक वृद्धको हत्या

ओमप्रकाश ठाकुर

सर्लाही — सर्लाहीको धनगढामा मंगलबार राति एक वृद्धको हत्या भएको छ । हत्या आरोपमा प्रहरीले छोरालाई उनकै पक्राउ गरेको छ ।

बसबरिया गाउँपालिका–५ धनगढाका ७० वर्षीय रामअधिन यादवको मुंग्रो प्रहार गरी हत्या गरिएको हो । आफ्नै आँपको बगैचामा बनाएको गोठमा राति सुतिरहेका बेला उनको मुंग्रो प्रहार गरी हत्या गरिएको प्रहरी नायब उपरीक्षक मदन कुँवरले जानकारी दिए । घटनास्थलमै वृद्धको मृत्यु भएको प्रहरीले जनाएको छ ।

बुवाको हत्याको आरोपमा प्रहरीले मृतकको कान्छा छोरा ४० वर्षीय विनोद यादवलाई पक्राउ गरेको छ । बुधबार बिहान आफ्नै घरको खाटमुनि लुकेको अवस्थामा रायलाई पक्राउ गरी अनुसन्धान भइरहेको प्रहरीले जनाएको छ ।

प्रकाशित : जेष्ठ १४, २०७७ ११:५२
प्रतिक्रिया
पठाउनुहोस्

रक्सौलका क्वारेन्टाइनबाट फर्कंदै नेपाली

रक्साैलका क्वारेन्टाइनमा रहेका करिब ४ सय नेपालीमध्ये बुधबार बिहान १ सय १ जना स्वदेश भित्रिएका छन्
भूषण यादव

वीरगन्ज — लकडाउनका कारण लामो समयदेखि सीमावर्ती भारतीय सहर रक्सौलको क्वारेन्टाइनमा रहेका नेपाली स्वदेश फर्किन थालेका छन् । बुधबार बिहान पहिलो लटमा १ सय १ जना नेपाल भित्रिएको जिल्ला प्रशासन कार्यालय पर्साले जनाएको छ ।

मुख्य नाकामा सुरक्षाकर्मीले उच्च सतर्कतासाथ उनीहरूको विवरण लिएका थिए । स्वास्थ्यकर्मीले तापक्रम जाँचेका थिए । शंकराचार्य गेटनजिकै बनाइएको टेन्टमा खाने पानी, बिस्कुट र मास्कको व्यवस्था गरिएको थियो ।

रक्सौलका क्वारेन्टाइनमा भारतका विभिन्न राज्यमा रोजगारी, तीर्थाटनका लागि गएका २५ जिल्लाका करिब ४ सय नेपाली छन् । त्यहाँको हजारीमल विद्यालयमा बनाइएको क्वारेन्टाइनमा रहेका नेपालीलाई बुधबार वीरगन्ज नाकाबाट स्वदेश भित्र्याइएको सहायक प्रमुख जिल्ला अधिकारी ललितकुमार बस्नेतले जनाए । ‘बिहान पहिलो लटमा १ सय १ जना नेपाली भित्रिएका छन्,’ उनले भने, ‘रक्सौलमा ३ सय ५० देखि ४ सय नेपाली क्वारेन्टाइनमा छन् । उनीहरूलाई पनि स्वेदश फर्काउने योजना छ ।’


आज आउनेमा पश्चिम रुकुमका २३ र दाङका २१ जना पनि छन् । उनीहरूलाई सम्बन्धित जिल्लाले नै सवारीसाधनको व्यवस्था गरिदिएकाले आजै पठाइँदै छ । रुकुम र दाङका बासिन्दालाई जिल्ला पुगेपछि अनिवार्य क्वारेन्टाइनमा बस्न सहायक प्रजिअ बस्नेतले सुझाव दिए । नजिकैका जिल्लाकालाई सम्बन्धित प्रशासनको जिम्मा लगाइने र अन्यलाई वीरगन्जकै क्वारेन्टाइनमा राखिने उनले बताए ।


यसअघि जेठ ६ मा वीरगन्जमा रोकिएका २ सय १५ भारतीय नागरिकलाई भारतीय अधिकारीको जिम्मा लगाइएको थियो । स्थानीय प्रशासनले भारतीय नागरिकलाई स्वदेश फर्काएको भोलिपल्ट रक्सौलको क्वारेन्टाइनमा रहेका २ सय २२ नेपालीलाई स्वदेश ल्याउने कार्यक्रम रहेको जनाएको थियो । तर, भारतीय पक्षको आनाकानीका कारण ७ दिनपछि मात्र नेपाली नागरिक स्वदेश फर्किएका हुन् । उनीहरूले नेपाल फर्कन पाउनुपर्ने माग राखी रक्सौलमा नाराबाजी र विरोध प्रदर्शन गर्दै आएका थिए ।


प्रकाशित : जेष्ठ १४, २०७७ ११:३१
पूरा पढ्नुहोस्
प्रतिक्रिया
पठाउनुहोस्
×