पार्टी एकीकरणको खुशीयालीमा लकडाउनमा दीपावली

राजविराजको गजेन्द्र चोक र जनआन्दोलन चोकमा मैनबत्ती बाली दीपावली गरिएको हो । लकडाउनका बाबजुद दीपावलीमा राजपा र समाजवादीका केन्द्रीय, प्रदेश र जिल्ला तहका नेताको सहभागिता थियो । पार्टी एकताले मधेसी जनताको अधिकार सुनिश्चित हुने भन्दै खुशीयाली मनाइएको दिपावलीमा सहभागी एक नेताले बताए । दीपावलीमा राजविराजका मेयर शम्भु यादव तथा तिलाठी गाउँपालिकाका अध्यक्षसहित जनप्रतिनिधि पनि सहभागी थिए ।

कार्यकर्ताले खुशी भएर दीपावली गरेको तर सामाजिक दूरी कायम राखिएको नेता मनिष सुमनले बताए । 'फोटो खिच्ने बेलामा चाहिँ दूरी कायम भएन । नत्र दुरी कायम गरेरै खुशीयाली मनाइएको हो,' उनले भने ।