बाल सुधारगृहबाट ४० र कारागारबाट ३० जना छुटे- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

बाल सुधारगृहबाट ४० र कारागारबाट ३० जना छुटे

शंकर आचार्य

पर्सा — वीरगन्जस्थित बाल सुधारगृहबाट ४० बालक र वीरगन्ज कारागारबाट ३० कैदी छुटेका छन्। कोरोना भाइरसको जोखिम कम गर्न भीडभाड घटाउने सरकारी नीतिअनुरुप उनीहरुलाई रिहा गरिएको हो।

सुधारगृह प्रमुख टीकाकृष्ण काफ्लेका अनुसार सोमबारसम्ममा ४० बालक छुटेका छन्। अन्य बालकलाई छुटाएर लैजान अभिभावकले सम्बन्धित अदालतमा निवेदन दिए पनि लकडाउनका कारण उनीहरु आउन नसकेको उनको अनुमान छ। अब गृहमा ६५ बालक आश्रित छन्। गृहका बालकहरुलाई अभिभावकको जिम्मा लगाई तारेखमा छाडिएको हो।


यस्तै, वीरगन्ज कारागारबाट सोमबारसम्म ३० कैदी छुटेका छन्। तीमध्ये एक भारतीय नागरिक न्। जेलर श्रवणकुमार पोखरेलका अनुसार रिहाइको माग गर्दै ४९ वटा निवेदन परेको थियो।

एक वर्षभन्दा कम कैद सजाय पाएका नसुकै मुद्दाका कैदीला अदालतको आदेशमा छोड्ने गरिएको यस्ता कैदी छुट्नका लागि कैदबाहेक जरिवाना बुझाएको हुनुपर्ने जेलर पोखरेलले बताए। 'बाँकी दैनिक सय रुपैयाँको दरले दिन गन्ती गरी जरिवाना रकम बुझाएर मुक्त हुन पाउछन्,’ उनले भने, ‘तर यसरी छुट्ने कैदी पटके अपराधी पनि हुनु हुँदैन' कैद सजाय तोकेको सम्बन्धित अदालतमा निवदेन दिएर अदालतको स्वीकृति अनिवार्य भएमात्र रिहा गर्ने गरिएको छ। अदालतले तारेखमा बोलाएको बेला पनि उनीहरु हाजिर हुनुपर्छ।

प्रकाशित : चैत्र २५, २०७६ १४:४८
प्रतिक्रिया
पठाउनुहोस्

कोरोना प्रकोप : जापानमा संकटकाल घोषणा

एजेन्सी

टोकियो — कोरोना भाइरस(कोभिड–१९) को रोकथाम तथा न्यूनीकरणका लागि जापानमा संकटकाल घोषणा गरिएको छ । मंगलबार जापानी प्रधानमन्त्री सिन्जो आबेले कोरोना रोकथामका लागि भन्दै संकटकालको घोषणा गरेका हुन् । 

कोरोना भाइरसको संक्रमण फैलिन थालेपछि जापानले ढिलागरी संकटकाल घोषणा गरेको हो । विज्ञहरुले जापानले कोरोना नियन्त्रणका लागि चालेको कदमको प्रशंसा गरे पनि कडा कदम नचालेको भन्दै आलोचना गरेका थिए । प्रधानमन्त्री आबेले संकटकाल टोकियो, ओसाकासहित ७ प्रान्त(प्रिफेक्चर) मा लागू हुने र आवश्यकता अनुसार बढाइँदै लैजाने बताए । जापानमा ४७ वटा प्रिफेक्चर रहेका छन् ।

जापानमा संकटकाल घोषणा गरिए पनि कोरोना भाइरसबाट अतिप्रभावित मुलुकहरु इटाली, चीन र फ्रान्समा जस्तो कडा खालको लकडाउन भने नगरिने जापानी समाचार एजेन्सी क्योदोले जनाएको छ । राष्ट्रिय संकटकाल बुधबारबाट एक महिनाका लागि लगाइएको क्योदोले उल्लेख गरेको छ ।

साथै जापानले कोरोना रोकथाम तथा नियन्त्रणका लागि करिब एक ट्रिलियन अमेरिकी डलरबराबरको प्याकेज कार्यक्रम पनि ल्याउने तयारीमा रहेको छ ।

मंगलबार दिउँसोसम्म जापानमा कोरोना भाइरसको संक्रमणबाट मृत्यु हुनेको संख्या ९२ पुगेको छ भने संक्रमितको संख्या ३ हजार ९ सय ६ रहेको छ ।

प्रकाशित : चैत्र २५, २०७६ १४:४५
पूरा पढ्नुहोस्
प्रतिक्रिया
पठाउनुहोस्
×