बारामा क्वारेन्टाइनबाट ४ घर फिर्ता, ११ जना निगरानीमै 

लक्ष्मी साह

बारा — कोरोना संक्रमित युवतीसँगै कतारको जहाजबाट स्वदेश आएका बाराका २ यवक क्वारेन्टाइनबाट मंगलबार घर फिर्ता भएका छन् । चैत ४ मा आएका उनीहरु कलैया अस्पतालको क्वारेन्टाइनबाट घर फिर्ता भएका हुन् । एक हप्ताको निगरानीमा स्वास्थ्य अवस्था समान्य पाइएपछि उनीहरुलाई घरभित्रै ‘सेल्फ क्वारेन्टाइन’ मा बस्ने गरी घर फिर्ता पठाइएको जिल्ला प्रहरी कायाएलयका प्रहरी प्रवक्ता प्रहरी नायब उपरीक्षक गौतम मिश्रले जानकारी दिए । 

उनीहरु दुवै जना चैत ४ मा फ्रान्सबाट दोहाको कतार हुँदै नेपाल आएकी कोरोना संक्रमित युवतीसँगै आएका थिए । प्रहरीले दुवैलाई सम्पर्कमा ल्याएर चैत ११ देखि क्वारेन्टाइनमा राखिएको थियो । यी दुवै युवकबाहेक त्यहीँ क्वारेन्टाइनमा राखिएका अन्य २ जनालाई समेत घर फिर्ता पठाइएको उनले बताए । त्यसमध्ये एक जना ओमानबाट चैत ८ मा आएका हुन् भने अर्का एक जना स्थानीय हुन् ।


प्रवक्ता गौतमका अनुसार कलैया अस्पतालको क्वारेन्टाइनमा अझै ७ जना निगरानीमा छन् । जसमध्ये १ जना भारतीय हुन् । यसैगरी सिम्रौनगढ नगरपालिकाले कंकाली माविमा बनाएको क्वारेन्टाइनमा चैत ४ पछि कतारबाट आएका १ जनासहित ३ जनालाई निगरानीमा राखिएको छ । यसमा पनि एक जना भारतीय छन् ।


आदर्श कोतवाल गाउँपालिकाले महेन्द्र आदर्श माविमा बनाएको क्वारेन्टाइनमा चैत ४ अघि मलेसियाबाट आएका १ जनालाई निगरानीमा राखिएको छ । ‘जिल्लामा १५ जना क्वारेन्टाइनमा राखिएकामध्ये ४ जनाको अवस्था समान्य देखिएपछि घर फिर्ता गरिएको छ,’ प्रहरी प्रवक्ता गौतमले भने, ‘जिल्लामा हालसम्म प्रहरीलगाउत स्थानीय तहमा २ सय ३० जना क्षमताको क्वारेन्टाइन तयार भएको छ ।’


उनका अनुसार कोल्हवी नगरपालिकको नेरामाविमा ३५, निजगढ नगरपालिकाको उद्योग वाणिज्य संघको सभा कक्षमा १ सय ५, कलैया उपमहानगरपालिकाको कलैया अस्पतालमा १५, पचरौता नगरपालिकाको पिरपातीमा माविमा २५, महागढीमाई नगरपालिकको बबुआइन विद्यालयमा २० शय्याको क्वारेन्टाइन तयारी गरिएको छ ।


यसैगरी सिम्रौनगढ नगरपालिकाको कंकाली माविमा ६, आदर्श कोतवाल गाउँपालिकाको महेन्द्र आदर्श माविमा ८, देवताल गाउँपालिकाको पिप्राढी विद्यालयमा ४, सुवर्ण गाउँपालिकाको प्राथमिक स्वास्थ्य केन्द्रमा १० र जिल्ला प्रहरी कार्यालयमा २ गरी जम्मा २ सय ३० शय्याको क्वारेन्टाइन बनाइएको छ ।


जीतपुर सिमरा उपमहानगरपालिकको पथलैयामा १ सय शय्याको अस्थायी कोराना अस्पताल बनाइने भनिए पनि तयार भएको छैन् । यसरी यहाँका १६ स्थानीय तहमध्ये ९ वटा स्थानीय तहले मात्र क्वारेन्टाइनको तयारी गरेको छ । ७ वटाको अझै तयारी छैन् ।

प्रकाशित : चैत्र १९, २०७६ ११:१२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

कोरोना भाइरस दोस्रो विश्‍वयुद्धपछिको सबैभन्दा ठूलो चुनौती : महासचिव गुटेरेस

कान्तिपुर संवाददाता

काठमाडौँ — गत डिसेम्बरमा चीनको वुहानबाट सुरु भएको कोरोना भाइरसको संक्रमण अहिले विश्वका करिब २ सय मुलुकमा फैलिइसकेको छ ।  बुधबार बिहानसम्म कोरोना भाइरसको संक्रमणबाट ४२ हजारभन्दा बढीको मृत्यु भइसकेको छ भने ८ लाख ५९ हजारभन्दा बढी संक्रमित भएका छन् ।


यसैबीच संयुक्त राष्ट्र संघका महासचिव एन्टोनियो गुटेरेसले कोरोना भाइरसको संक्रमण दोस्रो विश्वयुद्धपछिको सबैभन्दा ठूलो चुनौती भएको बताएका छन् । विश्वव्यापी महामारीको रुप लिएको कोरोना भाइरस संक्रमणबाट हुन सक्ने सामाजिक तथा आर्थिक प्रभावबारेको रिपोर्ट सार्वजनिक गर्दै महासचिव गुटेरेसले विश्वसामु दोस्रो विश्वयुद्धपछि सबैभन्दा ठूलो चुनौती आएको बताएका हुन् ।

महासचिव गुटेरेसले कोरोना भाइरसको प्रभावले विश्व अर्थतन्त्रलाई ठूलो धक्का पुग्ने पनि बताएका छन् । अहिलेसम्म कहिल्यै नदेखिएको तहको आर्थिक मन्दी निकट भविष्यमा निम्तन सक्ने चेतावनी उनले दिएका छन् ।

महासचिव गुटेरेसले कोरोना भाइरसको नियन्त्रण तथा रोकथामका लागि विश्वव्यापी रुपमै अझ कडा र प्रभावकारी कदम चाल्नुपर्ने बताएका छन् । राजनीतिक खेलबाट बाहिर आएर सबै एकठाउँमा उभिए मात्रै कोरोना महामारीविरुद्ध जित हात पर्ने पनि उनले बताएका छन् । ‘संयुक्त राष्ट्र संघको ७५ वर्षको इतिहासमा हामीले यस्तो खालको विश्वव्यापी स्वास्थ्य संकट देखेका थिएनौं ।’ महासचिव गुटेरेसले अगाडि भने, ‘कोरोना भाइरस संक्रमण स्वास्थ्य संकट मात्रै होइन । यो मानव संकट पनि हो । कोरोना भाइरस संक्रमणले समाजको कन्द्रमा प्रहार गरेको छ ।’

महासचिव गुटेरेसले धेरै देशले विश्व स्वास्थ्य संगठन(डब्लूएचओ) को गाइडलाइन पालना नगरी आफूखुसी कोरोना भाइरसको संक्रमण रोकथाम र नियन्त्रणमा लागेको पनि बताए ।

प्रकाशित : चैत्र १९, २०७६ १०:५८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×