रौतहटमा ‘लकडाउन’लाई सघाउँदै स्थानीय 

शिव पुरी

रौतहट — कोभिड–१९ को सम्भावित संक्रमण रोक्न सरकारले एक सातासम्म आह्वान गरेको ‘लकडाउन’को बिहीबार स्थानीयले पालना गरेको पाइएको छ । 

जिल्लाको दरमुकाम गौर, चन्द्रनिगाहपुरलगायत मुख्य सहरमा लकडाउन स्थानीयले पालना गरेका हुन्। बिहानदेखि सडकमा मानिसहरु हिँडेका छैनन्। सानाठूला सवारी चलेको छैन्। बिहान केही समय डेरी सञ्‍चालनमा आए पनि अहिले बन्द गरिएको छ। बजारको सबै स्थानमा सुरक्षाकर्मी तैनाथ छन्। चोकचोकमा ट्राफिक, सशस्त्र र नेपाल प्रहरीले अत्यावश्यक कामका लागि हिँडेकाहरुलाई समेत बोलाएर माक्स लगाउन र काम सकेपछि तुरुन्त घर फर्कन भन्ने गरेको छ।


जिल्ला प्रहरी प्रमुख एसपी रबिराज खड्काले जिल्लाभरी बिहीबार मानिसहरुले लकडाउनको पालना गरेको बताए। ‘आज स्थानीयले नै सघाएको छ। कोही बाहिर निस्केका छैनन्,’उनले भने,‘मानिसहरु आफैं सचेत हुनु पर्छ। प्रहरीले बल प्रयोग गनुपर्दा राम्रो हुँदैन।'


जिल्लाभरीका बजारहरु बन्द भएका छन्। प्रहरी बिहानदेखि घरमै बस्न माइकिङ गर्दै हिँडेको छ। बुधबार डेढ दर्जन मोटरसाइकललाई नियन्त्रणमा लिइएको थियो। प्रकाशित : चैत्र १३, २०७६ १५:३७

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

इराकमा मानव तस्करीमा परेका दुई नेपाली पक्राउ 

होम कार्की

काठमाडौँ — इराकको स्वाशाासित राज्य कुर्दिस्तानको राजधानी अर्विलमा मानव तस्करीमा परेका दुई नेपालीलाई बुधबार पक्राउ गरिएको छ । 

सामान बोक्ने भ्यानको पछाडि अर्विल क्षेत्रमा प्रवेश गराउने क्रममा ट्राफिक प्रहरीले चेकपोस्टबाट नियन्त्रण लिएको हो। उनीहरुलाई लैजाने डाइभर यसअघि नै गैरकानुनी काम गरेको भन्दै सजाय पाएका थिए। प्रहरीले ती युवालाई कताबाट ल्याइएको भन्ने खुलिसकेको छैन।

ट्राफिक प्रहरीद्वारा जारी विज्ञप्ति अनुसार उनीहरुलाई कोरोना भाइरसको परीक्षणको लागि पठाइएको छ।

प्रकाशित : चैत्र १३, २०७६ १५:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×