बस र मोटरसाइकल ठोक्किदा दुई जनाको मृत्यु
सिरहा — सिरहाकाे चोहर्वा–सिरहा सडक खण्ड अन्तर्गत नरहा गाउँपालिका – ५ मा बसको ठक्करबाट सोमबार दुई जनाको मृत्यु भएको छ ।
जिल्ला प्रहरी कार्यालय सिरहाका अनुसार ना ४ ख ९२४१ नम्बरको बसले लु १६ प ४४४१ नम्बरको मोटरसाइकललाई ठक्कर दिएको थियो । ठक्करबाट मोटरसाइकलमा सवार सिरहा नगरपालिका ३ का २९ वर्षीय अमन मण्डल र ४५ वर्षीय शैलेन्द्र मण्डलको मृत्यु भएको हो ।
अमनको विराटनगरस्थित न्यूरो अस्पताल र शैलेन्द्रको लहान अस्पतालमा उपचारका क्रममा मृत्यु भएको प्रहरीले जनाएको छ ।
प्रकाशित : माघ २७, २०७६ १८:१०