कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४

तीन जिल्ला हेर्न ५ कर्मचारी

पर्सा — बारा, पर्सा र रौतहट गरी तीन जिल्ला हेर्नुपर्ने गुठी संस्थानको वीरगन्ज कार्यालयमा कर्मचारी अभावले काम प्रभावित भएको छ । ९ कर्मचारीको दरबन्दी रहेकोमा अहिले ५ जना मात्र छन् । तीमध्ये पनि तीन जना करारका हुन् ।

कार्यालय प्रमुख, वरिष्ठ सहायक, वरिष्ठ लेखा सहायक र वरिष्ठ कार्यालय सहायक, दुई कार्यालय सहायक र तीन कार्यालय सहयोगीको दरबन्दी छ । कार्यालयप्रमुख चूडामणि घिमिरे र कार्यालय सहयोगी नारायण यादव मात्र स्थायी दरबन्दीका हुन् । वरिष्ठ लेखा सहायक अम्बिका जैसवाल र २ कार्यालय सहयोगी करारमा राखिएका हुन् ।


कर्मचारी अभावमा काम गर्न निकै गाह्रो परेको शाखा प्रमुख घिमिरे बताउँछन् । ‘कार्यालय सहयोगी यादवले मालपोत र वरिष्ठ लेखा सहायक जैसवालले कुत बाली असुलीको काम गरिरहनु भएको छ,’ उनले भने, ‘हामीले ३ जिल्लाका सेवाग्राहीको मोही नामसारी, मालपोत र कुतबाली असुलीसँगै अन्य सरोकारवाला कार्यालय एवम् निकायलाई पत्राचारसमेत गरी राख्नुपर्छ ।’


कार्यालयमा सवारीसाधनसमेत नरहेको घिमिरे बताउँछन् । ‘एउटा थोत्रो मोटरसाइकल छ, त्यो पनि बिग्रिएर थन्किएको छ,’ उनले भने, ‘यस्तो अवस्थामा आफ्नो जिम्मेवारीको स्थलगत अनुगमनमा जान अप्ठेरो छ ।’


कर्मचारी अभावबारे पटकपटक केन्द्रलाई जानकारी गराइसकेको घिमिरेलेब बताए । ‘केन्द्रबाट छिट्टै दरबन्दीअनुरूप कर्मचारी पठाउने आश्वासन पाइरहेको छु,’ उनले भने, ‘अहिले केन्द्रीय कार्यालयले पदपूर्तिका लागि दरखास्त आह्वान गरेकाले केही दिनमै समस्या समाधान हुने आशा छ ।’

प्रकाशित : माघ ८, २०७६ १०:१५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?