राजपाका उम्मेदवार शेखर सिंह विरुद्ध उजुरी

कान्तिपुर संवाददाता

धनुषा — अल्पसंख्यक समूहबाट राष्ट्रियसभा सदस्यमा उम्मेदवारी दिएका राष्ट्रिय जनता पार्टी (राजपा)का शेखर सिंहको उम्मेदवारी खारेजको माग गर्दै उजुरी परेको छ । 

ZenTravel

Meroghar

नेपाली कांग्रेसको तर्फबाट अल्पसंख्यक समूहमा उम्मेदवारी दिएका भोला पंजियारले सिंहको उम्मेदवारी खारेजीको माग गर्दै निर्वाचन अधिकृतको कार्यालयमा उजूरी दर्ता गराएका हुन् ।सिंहले कुटपिट तथा अंगभंग मुद्दामा २ वर्ष कैद र जरिवाना फर्छ्यौट नगरेको दाबी गर्दै पंजियारले निर्वाचन अधिकृतको कार्यालयमा सोमबार निवेदन दिएका हुन् ।

२०४४ असार ३० गते सप्तरी जिल्ला अदालतले कुटपिट तथा अंगभंग मुद्दामा सिंह विरुद्व २ वर्ष कैदको फैसला गरेको पंजियारले दिएको निवेदनमा उल्लेख छ । तत्कालीन सगरमाथा अञ्चल अदालतबाट सदर भइ सर्वोच्च अदालतको पूर्ण इजलासको २०५६ पुस १ गते पुनरावलोकनको निस्सा नहुने भन्दै अन्तिम फैसला भएको पंजियारले दाबी गरेका छन् ।

कैद भुक्तान नगरेसम्म राष्ट्रियसभा सदस्यको उम्मेदवार बन्ने अधिकार सिंहसँग नभएको भन्दै पंजियारले दाबी गरेका छन् । उम्मेदवार सिंहले अदालतको फैसला भुक्तान गरिसकेको दाबी गरेका छन् ।

प्रदेश २ मा राष्ट्रियसभाको निर्वाचनमा नेकपा–राजपा र कांग्रेस–समाजवादीले गठबन्धन बनाएर उम्मेदवारी दिएका छन् ।

प्रकाशित : माघ ६, २०७६ १९:०४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

बेल्जियमकी राजकुमारीद्वारा क्षयरोग उपचार केन्द्रको उद्धघाटन 

मोहन बुढाऐर

धनगढी — बेल्जियमकी राजकुमारी एस्ट्रिड र स्वास्थ्य तथा जनसख्या मन्त्री भानुभक्त ढकालले कैलालीको गोदावरी नगरपालिका – ६ श्रीपुरमा निर्माण गरिएको लक्ष्मीनारायण क्षयरोग उपचार तथा अनुसन्धान केन्द्रको संयुक्त रुपमा उद्धघाटन गरेका छन् । 

यो अस्पताल एमडीआर क्षयरोग र कुष्ठरोगका लागि प्रादेशिक रेफरेन्स सेन्टरका रुपमा रहेको छ। अस्पतालमा रहेका सेवा सुविधाहरुलाई बेल्जियमको गैरसरकारी संस्था डमीयन फाउन्डेसनले सहयोग गर्दै आएको छ। राजकुमारी उक्त संस्थाको मानार्थ अध्यक्ष समेत हुन्।
पाँच करोडको लागतमा सम्पन्न क्षयरोग उपचार केन्द्रमा हाल १५ बेड राखिएको छ। एक चिकित्सक सहित ४४ जना स्वास्थ्यकर्मीहरुको दरबन्दी कायम गरिएको छ।


प्रकाशित : माघ ६, २०७६ १८:४३
पूरा पढ्नुहोस्
प्रतिक्रिया
पठाउनुहोस्
×