कलेज बसले मोटरसाइकललाई ठक्कर दिँदा दुईको मृत्यु

कान्तिपुर संवाददाता

जनकपुर — मोटरसाइकल र कलेज बस एक आपसमा ठोक्किँदा मंगलबार साँझ दुई जनाको घटनास्थलमा मृत्यु भएको छ । जनकपुरदेखि विद्यार्थी पुर्‍याएर ढल्केबरवाट फर्किरहेको मोडेल मल्टिपल कलेजको बसले ठक्कर दिँदा जनकपुरदेखि ढल्केवरतर्फ गइरहेको मोटरसाइकलमा सवार दुई जना युवकको घटनास्थलमा मृत्यु भएको हो ।

जनकपुरस्थित मोडेल मल्टिपल कलेजको ज १ क २८३ नं को मिनि बसले ज १० प ३५३५ नं को मोटरसाइकललाई जनकपुर ढल्केवर सडक खण्डको सपही नजिकै साबुन कारखाना छेउमा ठक्कर दिँदा मोटरसाइकलमा सवार क्षिरेश्वरनाथ नगरपालिका–३ स्थित अकबर राइनका छोरा १८ वर्षीय मुबारक राइन र १९ वर्षीय सन्तोष ठाकुरको घटनास्थलमा मृत्यु भएको जिल्ला प्रहरी कार्यालय धनुषाले जनाएको छ ।


प्रहरीले मिनिबसको चालक नवल झालाई नियन्त्रणमा लिएर हिरासतमा राखेको छ । घटनास्थलको सबुत प्रमाण संकलन गरी प्रहरीमा सुरक्षित राखेर अनुसन्धान शुरु गरेको धनुषा प्रहरीले जनाएको छ ।

प्रकाशित : पुस २९, २०७६ २०:५१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

एमसीसी विवाद अनावश्यक : परराष्ट्रमन्त्री

कान्तिपुर संवाददाता

पाल्पा — परराष्ट्रमन्त्री प्रदीप ज्ञवालीले एमसीसीलाई अनावश्यक विवादमा ल्याइएको बताएका छन् । पाल्पा, गुल्मी र स्याङ्जाको संगम रिडी रुरु क्षेत्रमा रुरु महोत्सव तथा मकर संक्रान्ति मेला उद्घाटन गर्दै मंगलबार उनले भने, ‘भारत, चीन, अमेरिकासँग सहायता लिनुपर्छ ।’

मन्त्री ज्ञवालीले एमसीसीबाट अनुदान लिन आठ वर्षदेखिको प्रयत्न हुँदै आएको बताए ।

‘धेरै मापदण्ड पूरा गरेर नेपाल एमसीसीको अनुदान पाउने हैसियतमा पुगेको हो,’ उनले भने, ‘तर यहाँ यसलाई केहीले बुझेर र केहीले नबुझेर अनावश्यक बहसको विषय बनाइएको छ ।’

उनले नेपाल असंलग्न सिद्धान्तप्रति प्रतिबद्ध रहेको उल्लेख गर्दै कुनै पनि सैन्य गठबन्धनमा सहभागी नहुने बताए ।

प्रकाशित : पुस २९, २०७६ २०:२१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×