नक्कली घिउ उत्पादक पक्राउ

उद्योगका सञ्चालक अनिल श्रेष्ठसहित ३ जना तथा नक्कली घिउ रहेको आशंका गरिएका वस्तु, घिउ बनाउन प्रयोग हुने केमिकल, सामग्री प्रहरीले बरामद गरेको छ ।

डीएसपी वीरेन्द्र शाहीका अनुसार उद्योगका सञ्चालक सोही ठाउँ बस्ने अनिल श्रेष्ठ, अर्का सञ्चालक रमेश श्रेष्ठ र कामदार भारत मोतिहारी पोखरिया निवासी रामविलास प्रसाद पनि पक्राउ परेका छन् । उद्योगबाट ५२ कार्टुन नक्कली आशंका गरिएको घिउ बरामद गरिएको छ । प्रत्येक काटुर्नमा १२ किलो घिउ रहेको छ ।

यसबाहेक २९ कार्टुन वनस्पति घिउ बरामद गरिएको छ । प्रत्येक कार्टुनमा २० किलो घिउ रहेको छ । त्यसबाहेक दुई प्रकारका १/१ लिटर केमिकल पनि बरामद गरिएको छ । २/२ वटा प्याकेजिङ गर्ने र तौल गर्ने मेसिन पनि बरामद भएको छ । यसबाहेक स्टिकर, चुलो, सिलिन्डर, कराई, डेक्ची आदि घिउ बनाउन प्रयोग गरिने भाँडावर्तन आदिसमेत बरामद गरिएका छन् । उक्त उद्योगबाट नक्कली घिउ उत्पादन भई रहेको सूचनाको आधारमा छापा मारिएको उनले बताए । वीरगन्जको विभिन्न स्थानमा यसरी शुद्ध घिउ उत्पादन गर्ने उद्योग सञ्चालनमा रहेका छन् ।

अधिकांशले भारतबाट केमिकल तथा कच्चा वनस्पति घिउ ल्याएर विभिन्न ब्रान्डमा प्याकेजिङ गरेर बजारमा घिउ बिक्री वितरण गर्ने गरेका छन् ।