जनकपुरमा १०८ जोडीको सामूहिक विवाह- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

जनकपुरमा १०८ जोडीको सामूहिक विवाह

सन्तोष सिंह

(धनुषा) — प्रदेश सरकार, विश्व हिन्दु परिषद् र ऐतिहासिक मणिमण्डप संरक्षण समितिको संयुक्त आयोजनामा जनकपुरमा एक सय आठ जोडीको सामूहिक आदर्श विवाह सम्पन्न भएको छ ।

मुख्यमन्त्री बेटी पढाउ,बेटी बचाउ कार्यक्रमअन्तर्गत मुख्यमन्त्री तथा मन्त्रिपरिषद् कार्यालयको आयोजनामा जनकपुरको मणिमण्डपमा सोमबार राति सामूहिक विवाह भएको हो । मुख्यमन्त्री लालबाबु राउतले यस्ता सामूहिक आदर्श विवाहले समाजमा सकारात्मक सन्देश जाने विश्वास व्यक्त गरे ।


नवविवाहित जोडीलाई सम्मान पत्र प्रदान गर्दै समाजमा नयाँ शोचको विकास हुने र प्रदेशको कुनै पनि स्थानमा हुने यस्ता आदर्श सामूहिक विवाह कार्यक्रममा प्रदेश सरकार खुलेर सहयोग गर्ने समेत बताए ।


नवविवाहित जोडीको आमा बुवाको राउतले प्रशंसा गर्दै सामूहिक विवाहले समाजको अभिशापको रुपमा रहेको दहेज प्रथा अन्त गर्न सहयोग पुग्ने विश्वाससमेत व्यक्त गरे ।



प्रकाशित : मंसिर १७, २०७६ ०७:५८
प्रतिक्रिया
पठाउनुहोस्

नेपाल र ओमनबीच समझदारी

कान्तिपुर संवाददाता

काठमाडौँ — नेपाल र ओमनबीच संस्कृति एवं म्युजियमका क्षेत्रमा सहकार्य गर्ने समझदारी भएको छ । ओमनको मस्कटमा सोमबार आयोजित कार्यक्रममा राष्ट्रिय संग्रहालय छाउनीका प्रमुख जयराम श्रेष्ठ र ओमनका राष्ट्रिय संग्रहालयका महानिर्देशक जमल विन हसन अल मोवासीले समझदारीपत्रमा हस्ताक्षर गरे । 

समझदारीले संग्रहालय क्षेत्रमा दुई देशबीच विज्ञता र अनुभव आदानप्रदान गर्न बाटो खुलेको ओमनका लागि नेपाली राजदूत शर्मिला पराजुली ढकालले बताइन् । ‘दीर्घकालसम्म संग्रहालयको विकास गर्न, आवश्यक सरसल्लाह र सामाजिक सहकार्य गर्ने विषयमा समझदारी केन्द्रित छ,’ उनले भनिन् ।

प्रकाशित : मंसिर १७, २०७६ ०७:५२
पूरा पढ्नुहोस्
प्रतिक्रिया
पठाउनुहोस्
×