महोत्तरीको पिपरा गाउँपालिकामा नेकपाका चौधरी विजयी

सुनिता बराल

महोत्तरी — महोत्तरीको पिपरा गाउँपालिका अध्यक्षमा नेकपाका विक्रम चौधरी विजयी भएका छन् । ३ हजार २ सय ४९ मत प्राप्त गरि चौधरी पालिका अध्यक्षमा विजयी भएका हुन् ।

उनका निकटतम प्रतिद्धन्दी समाजवादी पार्टिका रामजानकी यादवले ३ हजार ४१ मत प्राप्त गरे भने राजपाकी रविता कुमारीले २ हजार ९ सय ८६ मत प्राप्त गरिन् । त्यस्तै नेपाली कांग्रेसका विजयकुमार यादवले १ हजार ९ सय ३५ मत प्राप्त गरेका छन् ।

२ सय ८ मतको अन्तरले नेकपाका चौधरीले समाजवादीका यादवलाई हराएका हुन् । राष्ट्रिय जनता पार्टिबाट गाउँपालिका अध्यक्ष बनेका विनोद चौधरीको मृत्युपछि पिपरामा उपचिर्वाचन भएको हो ।


राजपाले मृतक चौधरीकै श्रीमति रवितालाई उपनिर्वाचनमा उठाएको थियो । राजपालेनै जित्छ भन्ने आकलन धेरैले गरेका भएपनि राजपाले जित हासिल गर्न सकेन ।


पिपरामा १८ हजार ५ सय ८८ कुल मतदातामा १२ हजार ६ सय ६ मत खसेको थियो ।


प्रकाशित : मंसिर १५, २०७६ १८:४९
प्रतिक्रिया
पठाउनुहोस्

कास्की–२ मा नेकपाकी उम्मेदवार विद्या भट्टराई विजयी [अपडेट]

लालप्रसाद शर्मा

पोखरा — प्रतिनिधिसभा सदस्यका लागि शनिबार सम्पन्न उपनिर्वाचनमा कास्की निर्वाचन क्षेत्र २ मा नेकपा उम्मेदवार विद्या भट्टराई २४ हजार ३९४ मत ल्याइ विजयी भएकी छिन् । उनले ८ हजार ४०३ मतान्तरले विजयी भएकी हुन् ।

कांग्रेस उम्मेदवार खेमराज पौडेलले कुल १५ हजार ९९१ मत ल्याए ।

यस्तै समाजवादी पार्टीका उम्मेदवार धर्माराज गुरुङले १९ सय २२, राप्रपाका उम्मेदवार राेमबहादुर भण्डारीले ११५३, साझा पार्टीकी उम्मेदवार रजनी केसीले ९४२ मत प्राप्त गरेकी छिन् ।

पोखरा महानगरपालिकाका ११ वटा वडा समेटिएको निर्वाचन क्षेत्रमा ७१ हजार ८ सय ७१ मतदाता थिए । त्यसमत्ये ४५५६३ मत खसेको थियो ।

प्रकाशित : मंसिर १५, २०७६ १८:४५
पूरा पढ्नुहोस्
प्रतिक्रिया
पठाउनुहोस्
×