सप्तरीको छिन्नमस्ता ७ मा राजपाकी उम्मेदवार विजयी

स्थानीय तहको निर्वाचनका बेला छिन्नमस्ता वडा नम्बर ७ को अध्यक्षमा निर्वाचित प्रभाकर यादव जिल्ला समन्वय समिति सप्तरीको प्रमुखमा निर्वाचित भएपछि रिक्त भएको वडाध्यक्षका लागि निर्वाचन भएको हो । उपनिर्वाचनमा वडाध्यक्षमा विजयी प्रमिलादेवी जिल्ला समन्वय समितिका संयोजक प्रभाकरकी श्रीमती हुन् ।

शनिबार सम्पन्न मतदानमा छिन्नमस्ता ७ का कुल १ हजार ४ सय ३ मतदातामध्ये १ हजार १ सय १४ जनाले मतदान गरेका थिए । स्थानीय आधारभूत विद्यालयमा दुईवटा मतदान केन्द्र बनाई शनिबार बिहान ७ बजेदेखि साँझ ५ बजेसम्म मतदान भएको थियो ।