बारागढीमा ८२.६७ प्रतिशत मतदान 

उक्त निर्वाचनमा १९ सय ५६ जनाले मतदान गरेका हुन । जस मध्ये ९ सय २८ जना महिला र एक हजार २८ जना पुरुषले मतदान गरेका उनले जानकारी दिए । उक्त वडामा २ हजार ३ सय ६६ जना मतदाता रहेका छन् ।

वडाध्यक्ष नन्दलाल खाँ थारुको ब्रेन हेमरेज भएर गत वर्ष मंसिर १४ गते निधन भए पछि वडाध्यक्षको लागि उपनिर्वाचन भएको हो । वडाध्यक्ष खाँ को निधन भएपछि वडासदस्य रामखेलावन चौधरीले कार्य सञ्चालन गर्दै आएका थिए ।

वडाध्यक्षको लागि भएको उपनिर्वाचनमा २ जना महिला र ७ जना पुरुष उम्मेदवार गरी ९ जना उम्मेदवारले प्रतिस्पर्धा गरिरहेका छन् । शनिबार राति करीव ८ बजेदेखि नै मतगणना सुरु गर्ने तयारी भइरहेको निमित्त जिल्ला निर्वाचन अधिकारी साहले जानकारी दिए ।