ट्रयाक्टरको ठक्करले बारामा १ को मृत्यु  

वीरगन्जबाट कलैयातर्फ आउँदै गरेको ना ३ प ५१३७ नम्बरको मोटरसाइकललाई विपरीत दिशाको ना ७ त २६६ नम्बरको ट्रयाक्टरले ठक्कर दिँदा मोटरसाइकल चालक कलैया उपमहानगरपालिका ३ भवानीपुर निवासी २६ वर्षीय विनोद साहको मृत्यु भएको हो । जिल्ला प्रहरी कार्यालय बाराका प्रवक्ता डिएसपी रंजितसिंह राठौरका अनुसार ठक्करबाट साहको घटनास्थलमै मृत्यु भएको हो । शव परीक्षणका लागि कलैया अस्पतालमा राखिएको छ ।

ठक्कर दिने ट्रयाक्टर चालक फरार रहेकोले खोजी थालिएको प्रहरीले जनाएको छ ।

दुर्घटनामा संलग्न ट्रयाक्टर र मोटरसाइकल जिल्ला प्रहरी कार्यालय बाराको नियन्त्रणमा छ ।