धारिलो हतियारले हत्या

पराल काट्ने फलामको धारिलो हतियारले हत्या गरी झोलामा हालेर फाल्न तयारी गरेको अवस्थामा मृतक खुर्सिदाको शव बरामद भएको प्रहरीले जनाएको छ । घटनाबारे जानकारी पाए लगत्तै प्रहरी चौकी सुन्दरपुरबाट खटिएको प्रहरीले घरको छतबाट हाम फालेर भाग्न खोज्दै गर्दा अभियुक्त कोरैसालाई पक्राउ गरेको जिल्ला प्रहरी कार्यालयले जनाएको छ । महिलाको हत्यामा प्रयोग गरिएको हतियार घरको भर्‍याङ मुनि लुकाएको अवस्थामा बरामद भएको छ । कोरैसा र खुर्सिदाबीच पटक–पटक झगडा हुने गरेको स्थानीयले बताए । उनीहरूका श्रीमान शेख बलाल तीन दिन अघिमात्रै वैदेशिक रोजगारमा गएका छन् । पक्राउ गरिएको कोरैसालाई हिरासतमा राखेर थप अनुसन्धान भइरहेको प्रहरी उपरीक्षक गोपालचन्द्र भट्टराईले बताए ।