बस दुर्घटना हुँदा २१ जना घाइते

सुनिता बराल

बर्दिवास, महोत्तरी — पूर्वपश्चिम राजमार्गअन्तर्गत महोत्तरीको बर्दिवास नगरपालिका ५ स्थित टुटेश्वर चोकमा बस दुर्घटना हुँदा २१ जना यात्रु घाइते भएका छन् । 

सर्लाहीको मलंगवाबाट जनकपूरतर्फ जाँदै गरेको ना ४ ख ७१९० नम्बरको बस अनियन्त्रित भई दुर्घटना भएको जिल्ला ट्राफिक प्रहरी कार्यालय महोत्तरी बर्दिवासले जनाएको छ । क्षमताभन्दा बढी यात्रु राखेका कारण गाडी दुर्घटना भएको जिल्ला ट्राफिक प्रहरी कार्यालय बर्दिवासका प्रहरी निरीक्षक प्रकाश सिंहले बताए ।
घाइतेहरुको बर्दिबासस्थित शुभस्वस्तिक हस्पिटल र जनसेवा हस्पिटलमा उपचार भइरहेको छ ।

प्रकाशित : आश्विन १८, २०७६ १७:५०
ADVERTISEMENT
प्रतिक्रिया
पठाउनुहोस्

अरुण तेस्रोको काम २५ प्रतिशत

कान्तिपुर संवाददाता

संखुवासभा — अरुण तेस्रो जलविद्युत् आयोजनाको काम २५ प्रतिशत सम्पन्न भएको छ । ९ सय मेगावाटको उक्त आयोजनाको काम निर्धारित समयमै सम्पन्न गर्न तीव्रता दिएको ऊर्जा मन्त्रालयका सचिव दिनेशकुमार घिमिरेले बताए ।

स्थलगत अनुगमनका लागि आएका घिमिरेले निर्धारित समयमा अरुणबाट बिजुली निस्कनेमा आशावादी भएको बताए । ड्यामसाइड स्थल फयाक्सिदामा सहायक सुरुङमार्गको काम सम्पन्न गरी मुख्य सुरुङको ७ सय ९० मिटर पुर्‍याइएको छ ।

११ किलोमिटर रहेको सुरुङ मार्ग आठ स्थानबाट खन्ने काम धमाधम चलिरहेको छ । मकालु गाउँपालिका–५ मा रहेको ड्याम साइड फयाक्सिदामा भारतीय निर्माण कम्पनी जय प्रकाश एसोसियटस र पावर हाउस रहेको दिदिङमा पटेल इन्जिनियरिङ कम्पनीले काम गरिरहेको छ । अरुण तेस्रो आयोजनाले कामलाई गति दिन ३३ केभी प्रसारण लाइनको विद्युत् विस्तार तीव्र बनाएको छ ।

प्रकाशित : आश्विन १८, २०७६ १७:४४
पूरा पढ्नुहोस्
प्रतिक्रिया
पठाउनुहोस्