दसैंमा झकिझकाउ जनकपुर

सन्तोष सिंह

(धनुषा) — जनकपुरमा दसैंमा शक्तिपीठलाई झकिझकाउ पारिएको छ  । युवा क्लवले लाखौ रुपैयाँ खर्च गरेर मठ–मन्दिर सिंगारेका छन्  ।

(धनुषा) :जनकपुरमा दसैंमा शक्तिपीठलाई झकिझकाउ पारिएको छ । युवा क्लवले लाखौ रुपैयाँ खर्च गरेर मठ–मन्दिर सिंगारेका छन् । राजदेवी मन्दिर सजावट, मूर्ति, पण्डाल, अन्य सजावट, सांस्कृतिक कार्यक्रमका लागि करिब १ करोड रुपैयाँ खर्चिइएको छ ।
दसैंको रमझम बढाउन सजावटमा ठुलो रकम खर्चिएको हो । प्रमुख शक्तिपीठ राजदेवी मन्दिरलाई आकर्षक र झकिझकाउ बनाउन सौन्दर्यीकरणमा महावीर युवा क्लबले लाखौं रकम खर्च गरेको छ । दसैंमा यसपालि रावण बधका साथै लंका दहन कार्यक्रमको समेत आयोजना गरिने क्लबका अध्यक्ष सन्तोष साहले बताए । पूजामा करब २५ लाख रुपैंयाँ खर्च हुने उनले बताए । ‘देश–विदेशका दर्शनार्थीलाई जनकपुरको विजयादशमीमा आकर्षित गर्न भव्यताका साथ मेलाको तयारी गरिएको छ,’ उनले भने । प्रतिष्ठित व्यापारीका साथै सदस्यता नवीकरण, चन्दा, बोका बलिलगायतका स्रोतबाट रकम संकलन हुने गरेको साहले बताए । बौद्धिमाई मन्दिर र अमरखाना माई मन्दिरको सजावट तथा पूजाको व्यवस्थापन गर्दै आएको राम युवा कमिटीले पनि मन्दिर सजावटमा लाखौं रकम खर्चेको छ । दर्शनार्थीका लागि निःशुल्क भोजनको व्यवस्था गरेको उनले बताए । अष्टमीका दिन बोकाबलीका लागि राजदेवी मन्दिरमा लाइनमा बसेका करिब २० हजार श्रद्धालु भक्तजनलाई राम युवा कमिटीले निःशुल्क भोजन गराउने तयारी गरेको छ । रामानन्द चोकमा दुर्गाको प्रतिमा स्थापना गरी भव्यताका साथ पूजाको आयोजना गरिएको छ । जनकपुरको मुरली चोक, भ्रमरपुरा चोक, पिडरिया माइस्थान, रजौललगायतको क्षेत्रका युवा क्लबहरू पनि दसैं मेला आयोजना गरिएको छ ।
रजौलमा दुर्गा पूजा संरक्षण समितिले समेत मन्दिर झकिझकाउ बनाएका छन् । पूजामा करिब १० लाख रुपैयाँ खर्च हुने समितीले जनाएको छ । दसैंको अवसरमा क्लबहरूले मन्दीर र चोकमा विद्युतीय बत्ती जडान गरी जनकपुरलाई झिलिमिली बनाएका छन् ।

प्रकाशित : आश्विन १६, २०७६ ११:५१
प्रतिक्रिया
पठाउनुहोस्

जनकपुरबाट १८ किलो चाँदीसहित एकजना पक्राउ*

सन्तोष सिंह

(धनुषा) — जनकपुरबाट सशस्त्र प्रहरीले १८ किलोग्राम चाँदीसहित एकजनालाई पक्राउ गरेको छ । भारततर्फ ज७प ५७७१ नम्बरको मोटरसाइकलमा चाँदी लिएर जाँदै गर्दा महोत्तरी, पिपरा गाउँपालिका–५ का ३० वर्षीय भरतकुमार साहलाई पक्राउ गरिएको सशस्त्र प्रहरी उपरीक्षक राजेश उप्रेतीले बताए ।

साहलाई जनकपुर उपमहानगरपालिका–२२ बसविट्टीबाट सुनसहित पक्राउ गरीएको हो। शुक्रबार चेकिङको क्रममा साहको साथबाट ५ वटा प्लाष्टिकको पोकामा लुकाइ राखिएको १३ लाख ५० हजार मुल्य बराबरकोचाँदी बरामद भएको प्रहरी उपरीक्षक उप्रेतीले बताए।

चाँदीलिएर भारततर्फ जाँदै गरेका साहलाई पक्राउ गरी थप अनुसन्धानका लागि भन्सार कार्यालय जनकपुरमा बुझाइएको सशस्त्र प्रहरी उपरीक्षक उप्रेतीले बताए।

सच्याइको : यसअघि प्रकाशित समाचारमा चाँदी हुनुपर्नेमा भुलवश अन्यथा हुन गएकोमा सच्याएको छ । त्रुटीका लागि हामी क्षमा प्रार्थी छौं ।

प्रकाशित : आश्विन १०, २०७६ १६:२३
पूरा पढ्नुहोस्
प्रतिक्रिया
पठाउनुहोस्