बेलायती सहयोगमा पूर्वाधार

सङ्घीय मामिला मन्त्रालयद्वारा सञ्चालित सामुदायिक विकास कार्यक्रम (सीडीपी) अन्तर्गत धनुषामा सञ्चालित पूर्वाधार निर्माणका लागि करिब १ करोड ७० लाख रुपैयाँ बराबरको आयोजना निर्माणाधीन छन् । सामुदायिक विकास कार्यक्रम अन्तर्गत जीर्ण विद्यालय भवन निर्माण तथा मर्मतसम्भार, फर्निचर, साना पूल, कल्भर्ट निर्माण र जनचेतना अभिवृद्धिका गतिविधि सञ्चालित रहेको ग्रामीण पुनर्निर्माण नेपाल (आरआरएन) ले जनाएको छ ।

सामुदायिक विकास कार्यक्रम गैरसरकारी संस्था आरआरएनमार्फत स्थानीय तहको साझेदारी लगानीमा पूर्वाधार निर्माणाधीन छन् । धनुषाको जनकनन्दनी गाउँपालिका–३ प्रखे महुवामास्थित ७० वर्षअघि स्थापित श्रीगिरिजा आधारभूत विद्यालयको दुई कोठे भवन र फर्निचर निर्माणाधीन छन् । यसका लागि ३१ लाख ४ हजार ३ सय ८४ रुपैयाँ र स्थानीय सरकारले तहले ७ लाख गरी ३८ लाख ४ हजार ३ सय ८४ रुपैयाँ उपलब्ध गराइएको आरआरएन धनुषाका संयोजक खरभुषण साहले बताए ।

जनकनन्दनी गाउँपालिका–५ पत्नुकामा ३४ लाख रुपैंयाा लगानीमा तीन कोठे वर्थिङ सेन्टर, सोही गाउँपालिका–२ स्थित भैरव महादेवमा १८ लाख २१ हजार रुपैयाँमा स्लेभ कल्भर्ट र वडा नं –१ इनर्वामा ८ लाख १७ हजार रुपैयाँ लगानीमा टयुवबेल खानेपानी जडान आयोजना निर्माणाधीन छन् ।

वर्थिङ सेन्टरमा आरआरएनबाट २९ लाख ९९ हजार ४ सय ५२ रुपैयाँ र स्थानीय निकायको ३ लाख ९९ हजार ९ सय ९१ गरी ३३ लाख ९९ हजार ४ सय ४३ रुपैयाँ, भैरव महादेव कल्भर्ट निर्माणका लागि आरआरएनले १४ लाख २१ हजार ९ सय २२ रुपैयाँ र स्थानीय तहले ७ लाख गरी ३ लाख ९९ हजार ९ सय ९७ गरी १८ लाख २१ हजार ९ सय १९ रुपैयाँ र ८ लाख १७ हजार ६ सय ५७ रुपैयाँ लगानीमा ट्युवबेल खानेपानी निर्माणाधीन छन् ।