चोरीका मोटरसाइकलसहित २ पक्राउ

कान्तिपुर संवाददाता

धनुषा — धनुषा प्रहरीले चोरीका मोटरसाइकलसहित २ जनालाई पक्राउ गरेको छ । पक्राउ पर्नेहरुमा धनौजी गाउँपालिका-१ लखौरीका १९ वर्षीय विनोदकुमार साह र धनदौजी-४का २० वर्षीय चन्दन मण्डल छन् ।  

जनकपुरधाम उपमहानगरपालिका–१० पुल चोकबाट साहले ज ९ प ६८७१ नम्बर को १५० सीसीको पल्सर मोटरसाइकल चोरी गरेका थिए ।

यस्तै,मण्डललाई प्रहरीले बहुअर्वाबाट ज ७ प ७०५६ नम्बरको होन्डा साइन मोटरसाइकल सहित पक्राउ गरेको थियो । दुवै विरुद्ध चोरी मुद्दा दर्ती गरेर अनुसन्धान भइरहेको जिल्ला प्रहरी कार्यालय धनुषाले जनाएको छ ।

प्रकाशित : आश्विन ७, २०७६ १६:५८
ADVERTISEMENT
प्रतिक्रिया
पठाउनुहोस्
ADVERTISEMENT

सरकारले प्रेस स्वतन्त्रता खोस्दैछ : खाँण

रमेशकुमार पौडेल

चितवन — नेपाली कांग्रेसका प्रमुख सचेतक बालकृष्ण खाँणले सरकारले प्रेस विरोधी कानुन ल्याएर अधिनायकवाद लाद्न खोजेको बताएका छन् ।

जागरण अभियान अन्तर्गत मंगलबार नारायणगढ पुलचोकमा भएको विरोधसभामा बोल्दै नेता खाँणले भने, ‘लोकतन्त्रको वाणी स्वतन्त्र प्रेस हो। अहिलेको सरकार प्रेसको अधिकार कुण्ठित गर्ने अभियानमा छ। यो भनेको लोकतन्त्रको वाणी नै खोस्ने काम हो।’

सरकार अधिनायकवादी दिशामा गइरहेको र जनताको समस्या निराकरणमा असफल भएको उनले बताए। ‘सरकार संविधानको खिलापमा गइरहेको छ। भ्रष्टाचारलाई छुट दिएको छ। तर जनताको समस्या निराकणमा ध्यानै दिएको छैन। यो काममा लागि सरकार पूर्ण रुपमा असफल भएको छ’ खाँणको आरोप थियो।

पुलचोकमा सभा हुनुभन्दा पहिले भरतपुर चौबिसकोठीबाट कांग्रेसको विरोध र्‍याली निस्केको थियो। कांग्रेसको हिमाल, पहाड, तराइ, मधेस राष्ट्रिय जागरण अभियानको दोस्रो चरण पनि मंगलबारबाट सकिएको छ।

प्रकाशित : आश्विन ७, २०७६ १६:३८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT