गाउँपालिकाका चालकमाथि आक्रमण, अध्यक्षलाई धम्की

कान्तिपुर संवाददाता

बारा — देवताल गाउँपालिकाका अध्यक्ष चन्दनकुमार सिंहका चालकलाई बिहीबार राति अज्ञात समूहले कुटपिट गरेको छ । देवताल–४ वडाका वडा अध्यक्ष मिश्रीलाल सहनीलाई पिप्राढीस्थित घरमा छोडेर कलैया आउने क्रममा ढुकेर बसिरहको समूहले आक्रमण गरेको हो । 

आक्रमणबाट चालक सहनीको हात भाँचिएको छ । शरीरका अन्य भागमा चोट लागेको छ । आक्रमणकारी समूहले उनले मोबाइल फुटाइ दिएका छन् । साहनीको कलैया अस्पतालमा उपचार गरिएको छ ।

कलैया–बरियार सडकको बीचमा राति ११ बजे ३ जनाको समूहले अध्यक्ष चढ्ने गाडी रोकेर गालीगलौज गर्दै एक्कासी आक्रमण गरेको साहनीले बताए । ‘मुखमा मास्क लगाएर ३ वटा मोटरसाइकल बाटोमा तेर्स्याएर पर्खिरहेका थिए,’ चालक महेन्द्रले भने, ‘गाडि रोकेर मलाइ जबरर्जस्ती बाहिर निकाली एक्कासी कुट्न थाले ।’

घटनास्थलमा तत्कालै प्रहरी पुगे पनि उक्त समूह भागिसकेको थियो । उनीहरुको खोजी कार्य र घटनाको अनुसन्धान भइरहेको प्रहरी प्रवक्ता नायब उपरीक्षक रञ्जितसिंह राठौरले बताए ।

उक्त समूहले आफूलाई कुटपिट गरेसँगै गाउँपालिका अध्यक्षलाई गढीमाईको मेला अघि नै ज्यान मार्ने धम्की समेत दिएको महेन्द्रले शुक्रबार कलैयामा पत्रकार सम्म्लेन गरी बताए । गाउँपालिका अध्यक्ष चन्दनले घटनाका दोषीलाई पक्राउ गरी गहिरो अनुसन्धान गर्न माग गरेका छन् ।

प्रकाशित : आश्विन ३, २०७६ २०:३५
प्रतिक्रिया
पठाउनुहोस्

चितवन मेडिकल कलेजमा बढी शुल्क लिएको भए फिर्ता देऊ : त्रिवि

रासस

काठमाडौँ — त्रिभुवन विश्वविद्यालयले चितवन मेडिकल कलेज एण्ड साइन्सेज भरतपुरलाई आन्दोलनरत विद्यार्थीसित वार्ता र संवाद गरी बढी शुल्क लिएको भए फिर्ता गर्न अनुरोध गरेको छ । 


त्रिविको सम्बन्धनप्राप्त उक्तकलेजका चिकित्सा शिक्षातर्फका एमबीबीएस तहमा अध्ययन गर्ने विद्यार्थी सरकारले निर्धारण गरेको शुल्कभन्दा बढी शुल्क आफूहरुसित कलेज प्रशासनले उठाएको भन्दै आन्दोलनरत छन्।

त्रिविलेशुक्रबारप्रेस विज्ञप्ति प्रकाशित गरी आन्दोलनबाट समस्याको समाधान नहुने हुँदा कलेज प्रशासनले आह्वान गरेको वार्ता र संवादमा सहभागी हुन विद्यार्थीलाई आग्रहसमेत गरेको छ।

'विश्वविद्यालय पनि समस्याको समाधान वार्ता नै हो भन्ने कुरामा दृढ सङ्ल्पित रहेको छ। विद्यार्थीको पठनपाठन र जनताले स्वास्थ्य उपचार गर्न पाउने अस्पताल जस्तो अति संवेदनशीलस्थानमा बाधा र अवरोध सिर्जना गर्ने गराउने कार्य नगरिदिन विद्यार्थी, अभिभावक र सम्बन्धित पक्षसित विश्वविद्यालयले अनुरोध गर्दछ,' विज्ञप्तिमा भनिएको छ।

मन्त्रिपरिषद्को गत साल असोज २८ गतेको बैठकले चिकित्सा शिक्षाअन्तर्गत स्नातक तहका एमबीबीएस र बीडीएसको शुल्क निर्धारण गरेको थियो।

एमबीबीएसका लागि काठमाडौँ उपत्यकामा ३८ लाख ५० हजार तथा उपत्यका बाहिर ४२ लाख ४५ हजार तथा बीडीएस कार्यक्रमका लागि १९ लाख ३२ हजार ६१२ शुल्क निर्धारण गरिएको थियो।

प्रकाशित : आश्विन ३, २०७६ १९:४९
पूरा पढ्नुहोस्
प्रतिक्रिया
पठाउनुहोस्