जनकपुरमा संविधानको विरोधमा प्रदर्शन
धनुषा — राष्ट्रिय जनता पार्टी(राजपा) नेपालले जनकपुरमा संविधान दिवसको विरोधमा प्रदर्शन गरेका छन् । राजपा नेता महन्थ ठाकुर, राष्ट्रियसभा सदस्य वृषेशचन्द्रलाल, प्रदेश २ का भौतिक पूर्वाधार विकास मन्त्री जितेन्द्र सोनल, प्रदेश सांसद, राजपाबाट निर्वाचित मेयर, उप-मेयरहरुले संविधान जारी भएको दिन असोज ३ गते कालो दिनको रुपमा ब्याख्या गरेका छन् ।
जनकपुरको जनकचोकबाट सुरु भएको र्याली नगर परिक्रमा गर्दै जनकचोकमा कोण सभा गरी सकिएको थियो । कोणसभा सम्बोधन गर्ने नेताहरुले साँझ बत्ती नबाली ब्ल्याक आउट गर्न व्यापारीसँग आग्रह गरे ।
प्रदेश २ का भौतिक पूर्वाधर विकास मन्त्री जितेन्द्र सोनलले संविधान संशोधन नभएसम्म आसोज ३ गते मधेसमा कालो दिनकै रुपमा संविधानको विरोध गर्ने बताए ।
प्रकाशित : आश्विन ३, २०७६ १८:१४