कटुवा पेस्तोलसहित एक पक्राउ

भाद्र २८, २०७६सन्तोष सिंह

धनुषा — जनकपुरको लोहनाबाट सशस्त्र प्रहरीले हतियारसहित एकजनालाई पक्राउ गरेको छ । शुक्रबार राति जनकपुरबाट दक्षिणतर्फ साइकलमा जाँदै गरेका धनौजी गाउँपालिका–२ का ३२ वर्षीय मनिष मिश्रलाई हतियारसहित पक्राउ गरिएको सशस्त्र प्रहरी उपरीक्षक राजेश उप्रेतीले बताए ।

मिश्रको साथबाट कपडामा वेरीएको आवस्थामा कटुवा पेस्तोल र दुई राउण्ड गोली बरामद भएको उप्रेतले बताए । गोप्य सूचनाको अधारमा सशस्त्र प्रहरी बल सीमा सुरक्षा कार्यालय जनकपुरबाट प्रहरी निरीक्षकको कमाण्डमा खटेको सशस्त्र प्रहरीले हतियार बरामद गरेको हो ।