सेनाको गणनजिक महिलाको शव
महोत्तरी — बर्दिवास ८ स्थित नेपाली सेनाको मध्यपूर्वी पृतनाअर्न्तगत कालीसिद्धि गण नजिक शनिबार बेवारिसे महिलाको शव फेला परेको छ । अन्दाजी ३५ वर्षकी ती महिला गणनजिकको सडकमा बिहान मृत फेला परेको प्रहरीले जनाएको छ ।
कालो रंगमा सेतो छिर्के बुट्टा भएको कुर्ता र कालो सुरुवाल लगाएकी, कम्मरमा रातो सल बाँधेकी महिलाको सनाखत हुन नसकको इलाका प्रहरी बर्दिवासले जनाएको छ ।
प्रहरी निरीक्षक अशोक साहकाअनुसार टिपर गुड्ने सडकमा फेला परेकी महिलाको अनुहारमा चोटपटक लागेको पहिचान गर्न कठिन भएको छ । शव पोस्टमार्टमका लागि शनिबारै जलेश्वर पठाइएको छ ।