नक्कली लाईसेन्स बनाउने पक्राउ

नककली सवारी चालक अनुमतिपत्र वितरण गरेको आरोपमा हंसपुर नगरपालिका–६ का ३४ वर्षीय अलि अकबर मंसुर र औरही गाउँपालिका–६ का अली बकसलाई पक्राउ गरीएको जिल्ला प्रहरी कार्यालय धनुषाले जनाएको छ ।

नक्कली चालक अनुमतीपत्र बाँड्दै गरेको गोप्य सूचनाको आधारमा ईलाका प्रहरी कार्यालय औरहीबाट खटिएको प्रहरी टोलीले चेकजाँचको क्रममा उनीहरुको साथबाट ५/५ थान सवारी चालक अनुमति पत्र समेत बरामद भएको धनुषाका प्रहरी उपरिक्षक रामेश्वर कार्कीले बताए ।

पक्राउ परेका दुवैजनालाई सवारी चालक अनुमतिपत्रसहित नियन्त्रणमा लिई सरकारी छाप दस्तखत किर्ते कसुरमा मुद्दा दर्ता गरी जिल्ला अदालतबाट म्याद थप गराई अनुसन्धान भइरहेको कार्कीले बताए ।