बजेट सर्वसम्मतिले पारित

कान्तिपुर संवाददाता

धनुषा — प्रदेश सरकारले ०७६/७७ का लागि ल्याएको ३८ अर्ब ७२ करोड ५६ लाखको बजेट संसदबाट सर्वसम्मत पारित भएको हो ।

ZenTravel

बजेट छलफलको क्रममा सांसदहरूले अबण्डा रकमको शीर्षक खोज्दै संसद नै अवरुद्ध गरेपछि अनिश्चितकालका लागि स्थगित गरिएको संसद असार मसान्तको अन्तिममा आएर पारित भएको हो । प्रदेशसभा बैठकमा आर्थिक मामिला तथा योजनामन्त्री विजयकुमार यादवले प्रस्तुत गरेका विधेयक सर्वसम्मतिले पारित भएको हो ।

Meroghar

बजेट पारित हुनुअघि मुख्यमन्त्री लालबाबु राउतले पार्टीका नेता/कार्यकर्ताले उपभोक्ता समिति गठन गरी बजेट चलाउनु दुर्भाग्यपूर्ण रहेको बताएका छन् । विगतमा भएका यस्ता घटनाले सत्तापक्षका सांसदको समेत थुप्रै असन्तुष्ट रहेको बताउँदै अगामी दिनमा यस्ता गल्ती सच्चयाउँदै अघि बढ्ने बताएका छन् ।

‘हाम्रा माननीयलाई थाहा नै नभइकन सामान्य कार्यकर्ताले मन्त्रालयको बजेट चलाउनु दुर्भाग्यपूर्ण हो । म विश्वास दिलाउन चाहन्छु अगामी दिनमा हामी यस्ता कार्यलाई निरुत्साहित गरी अघि बढछौं,’ प्रदेशसभाको बैठकमा मुख्यमन्त्री राउतले भने, ‘हामी पनि प्रतिपक्षी दल हुँदैनौं भन्ने कुरा छैन, त्यसैले सरकारले गर्ने हरेक कुराले आउने दिनमा निरन्तरता पाउने भएकाले गल्तीलाई स्विकार्दै सच्याउनुपर्छ ।’

मुख्यमन्त्री राउतले पटक पटक मन्त्रालयका सचिवको सरुवा र कर्मचारी अभावका कारण काम गर्न कठिनाई भएको बताए । उनले संघीय सरकारमाथि औंला ठडयाएर पञ्छिन नखोजेको स्पष्ट पारे । ‘मन्त्रीहरूलाई पनि हेक्का होस, हाम्रो बारेमा चोकचोकमा चियाखानेहरूले कमेन्ट गरिराखेका हुन्छन् । हामीले जति ढाँटेर कुरा गरे पनि जनताले सबै देखिराखेका छन् । गल्ती सुधारेर अगाडि बढौं,’ मुख्यमन्त्री राउतले थपे ।

संसदमा विनियोजन विधेयक २०७६ माथि उठेको प्रश्नहरूको जवाफ दिँदै प्रदेश २ का आर्थिक मामिला तथा योजना मन्त्री यादवले बजेटभन्दा बढी आवश्कता तथा महत्त्वाकांक्षा भएको कारण बजेटमा असन्तुष्टि आउनु स्वाभाविक भएको बताए ।

प्रकाशित : श्रावण २, २०७६ ०९:५२
प्रतिक्रिया
पठाउनुहोस्

नवदम्पतीको रहस्यमय मृत्यु

कान्तिपुर संवाददाता

धनुषा — जनकपुरमा करेन्ट लागेर नवविवाहित श्रीमान–श्रीमतीको मृत्यु भएको छ । जनकपुरधाम उपमहानगरपालिका–२१ कुर्थामा मंगलबार साँझ २६ वर्षीय टेकनाथ महासेठ र उनको श्रीमती १७ वर्षीय बिना महासेठ सुत्ने कोठामा करेन्ट लागेर मृत अवस्थामा फेला परेको जिल्ला प्रहरी कार्यालय धनुषाले जनाएको छ ।

गत वैशाख ६ गते महोत्तरी, हरिनमरीकी बिना र महासेठको धुमधामका साथ सामाजिक परम्पराअनुसार विवाह भएको थियो । घरभित्र ढोकाको चुकुल लागेको, ओछयानमा पति पत्नी एक साथ मृत फेला परेको जिल्ला प्रहरी कार्यालय धनुषाका प्रहरी निरीक्षक उमाशंकर साहले बताए ।

‘तार छिचोलेर खुट्टामा तीन पटक बेरेर खाट छउमै रहेको विद्युत् बोर्डमा जोडेर करेन्ट लागेको देखिएको छ,’ प्रहरी निरीक्षक साहले भने, ‘खुट्टा खाट तल गएको र शरीर खाटमै रहेको अवस्थामा शव फेला परेको थियो ।’ मृतक टेकनाथ इलेक्ट्रेसियनको काम गर्दै आएका थिए ।

घटना आत्महत्या जस्तो देखिए पनि पति पत्नीबीच सधैं सुमधुर सम्बन्ध रहँदै आएकाले घटना रहस्यमय भएको स्थानीयले बताए । घरमा महासेठको आमा मात्र रहेका बेला घटना भएको हो । उनका बुवा रामा महासेठ मुजेलियास्थित पसल सञ्चालन गर्दै आएका छन् ।

प्रकाशित : श्रावण २, २०७६ ०९:५१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×