महानगरको सडकमा स्पिड ब्रेकर

यस क्रममा आदर्शनगरस्थित ग्रिनसिटी चोक, लोहारपट्टी चोक र पशुपति घोष चोकमा स्पिड ब्रेकर जडान गरिएको छ । थप एक ब्रेकर अस्पताल क्षेत्रको सडकमा जडान गरिनेछ ।

ग्रिनसिटी सामुदायिक संस्थाका अध्यक्ष जयप्रकाश खेतानका अनुसार उद्योगी पवन रुंगटाको सौजन्यमा चीनमा निर्मित स्पिड ब्रेकर जडान गरिएको हो । १ लाख ५० हजार रुपैयाँ

लागतको ब्रेकर सडक नफुटाइकनै सहजै जडान गर्न सकिन्छ ।

विकसित मुलुकका सडकमा देखिने यो प्रविधि नेपालमा भने नयाँ र कमै मात्र प्रयोगमा आएको उनले बताए । काठमाडौंमा प्रधानमन्त्री निवास बालुवाटारमा मात्र यस्तो ब्रेकर जडान गरिएको छ ।

संस्थाका सदस्य त्रिलोकचन्द दारुकाले सवारी चालकमा जागरुकता तथा चेतना बढाउनुका साथै सडक दुर्घटना न्यूनीकरण गर्न पनि ब्रेकर प्रभावकारी हुने बताए । सवारी चालकले तीब्र गतिमा सवारी चलाएर दैनिक जसो दुर्घटना हुन थालेपछि ब्रेकर जडान गरिएको हो ।