आत्मरक्षा तालिम लिँदै ६ हजार ४ सय विद्यार्थी

श्यामसुन्दर शशि

(जनकपुर) — लैङिक हिंसा तथा विभेदबाट जोगिन प्रदेश २ की ६ हजार ४ सय विद्यार्थीले मंगलबारदेखि आत्मरक्षा तालिम लिन थालेका छन् । सामाजिक विकास मन्त्रालयले ‘स्वास्थ्यको लागि खेलकुद ,राष्ट्र निर्माणको लागि खेलकुद ’ मूल नारासाथ आयोजना गरेको १५ दिने आत्मरक्षा तालिममा प्रदेश २ मातहतका ६४ सामुदायिक विद्यालयका ६ हजार ४ सय विद्यार्थी सहभागी छन् ।

सहभागीलाई प्रदेश २ का प्रमुख प्रशिक्षक मोहम्मद असगर खाले आत्मरक्षा तालिम दिएका थिए।

तालिम उद्घाटन समारोहका प्रमुख अतिथि आन्तरिक मामिला तथा कानुनमन्त्री ज्ञानेन्द्रकुमार यादवले शिक्षा, स्वास्थ्य तथा अवसरको दृष्टिले मुलुकमै पछि परेको प्रदेश २ की किशोरीहरुलाई शारीरिक तथा मानसिक रुपले सक्षम बनाउन आत्मरक्षा तालिम सञ्चालन गरिएको बताए। ‘चेलीबेटीहरु सक्षम भएर पनि सामाजिक विभेदको कारण अवसरबाट बञ्चित रहँदै आएका छन्। यस तालिमले उनीहरुलाई आत्मरक्षाका साथै आत्मवल पनि प्रदान गर्ने छ’ मन्त्री यादवको कथन थियो। तालिमको अवधि बढाउनु पर्ने उनको धारणा थियो।

प्रदेश २ का सामाजिक विकासमन्त्री नवलकिशोर साहले लैङि्गक हिंसाका कारण किशोरीहरुले अध्ययनलाई निरन्तरता दिन नसकेको बताए।

प्रकाशित : असार १०, २०७६ १७:०३
ADVERTISEMENT
प्रतिक्रिया
पठाउनुहोस्
ADVERTISEMENT

शान्ति प्रक्रियालाई गलत बुझेँ भन्ने विप्लवलाई लाग्दै छ : दाहाल

रमेशकुमार पौडेल

चितवन — सत्तारुढ नेकपाका अध्यक्ष पुष्पकमल दाहालले शान्ति प्रक्रियाबारे गलत बुझाइका कारण नेत्रविक्रम चन्द विप्लवले हिंसाको बाटो अपनाएको बताएका छन् । मंगलबार भरतपुर महानगरको चौथो नगरसभा उद्घाटन गर्दै दाहालले शान्ति प्रक्रियामा आउनु भनेको कार्यकर्तालाई झुक्याउनु हो भन्ने सोच चन्दमा रहेको  बताए ।

पछिल्लो समयमा शान्ति प्रक्रिया ठीक थियो भन्ने कुरा चन्दले बुझ्न थालेको भन्दै पूर्वप्रधानमन्त्रीसमेत रहेका दाहालले ढिलो चाँडो मूलधारमा फर्कने दाबी गरे ।

शान्ति प्रक्रियाबारे चन्दको बुझाई दाहालले सुनाए, ‘उहाँले शान्ति प्रक्रिया र चुनावपछि के भन्नु भयो भन्दा हामीलाई काठमाडौं त लिएर आउनु भयो तर मलाई (चन्दलाई) अनुभुति के भयो भने नुवाकोटको एउटा भर्खरको तामाङनी केटीलाई काठमाडौं लगेर म बिहे गर्छु भनेर बम्बै पुर्‍याएजस्तो फिल भयो । चन्दले यही भने ।’ तर, बम्बै लगेको हैन, काठमाडौं नै ल्याएको छु भनेर चन्दले बुझ्न थालेको दाहालको दाबी थियो ।

उनले थपे ‘हेर्दै जानु होला प्रचण्डले बम्बै लगेको रहेनछ हामी सबैलाई काठमाडौं र नेपालमा नै विवाह गराउन पहल गरेको रहेछ भन्ने जुन दिन बुझ्नु हुन्छ उहाँ तुरुन्तै आउनु हुन्छ ।’

प्रकाशित : असार १०, २०७६ १६:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×