सेनाद्वारा बम निष्क्रिय
रौतहट — चन्द्रपुर नगरपालिका–५ स्थित पूर्वपवश्चिम राजमार्गको पुरानो ट्राफिक पोष्ट अगाडिको पैनीमा मंगलबार बिहान बम फेला परेको छ । उक्त बम नेपाली सेनाको टोलीले डिस्पोज गरेको छ ।
राजमार्ग छेउको पैनीको डिलमा राखेको बम स्थानीयले देखेर बिहान प्रहरीलाई खबर गरे पछि डिस्पोज गर्न सेनाको इन्द्रबक्स गणको टोली आएको हो । डिस्पोजका क्रममा झण्डै डेढ घण्टा राजमार्ग अवरुद्ध भएको थियो ।
इलाका प्रहरी चन्द्रनिगाहपुरका डीएसपी शान्तिराज कोइरालाले बम कसले राखेको भन्ने अहिलेसम्म नखुलको बताए ।
नेत्रबिक्रम चन्द (विप्लव) नेतृत्वको नेकपाले आफ्ना नेता पक्राउ गरेको बिरोधमा मंगलबार बन्दको आब्हान गरेको छ ।
बन्दको प्रभाव छैन
नेता पक्राउको बिरोधमा आब्हान गरेको बन्दको जिल्लामा कुनै प्रभाव छैन । सदरमुकाम गौर, गरुडा, कटहरिया लगायतका स्थानका बजार, पशल खुलेका छन् । पूर्वपश्चिम राजमार्गमा सवारी चलेका छन । सुरक्षाकर्मीले सबै सवारी स्कटिङको ब्यवस्था गरेको छ । जिल्ला भित्र कतै अप्रिय घट्ना नभएको प्रमुख जिल्ला अधिकारी गोविन्दप्रसाद रिजालले बताए ।
प्रकाशित : श्रावण २९, २०७५ ०९:१३