कोशीमा 'हेलो सीएम' सेवा

मुख्यमन्त्री हिक्मतकुमार कार्कीले मुख्यमन्त्री तथा मन्त्रिपरिषद्को कार्यालयमा बिहीबार 'हेलो सीएम' सेवाको सुरुवात गरेका हुन् । प्रदेश सुशासन ऐन, २०७६ अनुसार यो सेवा सुरु गरिएको हो ।

२४ घण्टा जनताको गुनासो सुन्न सक्ने गरी व्यवस्थापन गरिएको छ । मुख्यमन्त्री कार्कीले यसले शासकीय सुधारमा सहयोग पुग्ने विश्वास व्यक्त गरे । 'सरकारका विभिन्न सेवा र निकायका काम-कारबाहीलाई प्रभावकारी बनाउन 'हेलो सीएम' कार्यक्रम महत्वपूर्ण हुने विश्वास छ,' मुख्यमन्त्री कार्कीले भने ।

प्रदेशका प्रमुख सचिव केदारनाथ शर्माले वर्तमान सरकारले शासकीय सुधारमा उल्लेख्य काम गरेको जनाए ।