२९.१२°C काठमाडौं
खोटाङ — माछा पोखरीमा डुबेर एक वृद्धको मृत्यु भएको छ । साकेला गाउँपालिका–१ बाँझेच्यानडाँडा सेखुवाका ८४ वर्षीय देवीप्रसाद ढकाल आइतबार विहान ५ बजे मृत फेला परेका हुन् ।
शनिबार राति घरमै सुतेका ढकाल विहान साढे दुई बजेतिर ओछ्यानमा नभएपछि खोज्ने क्रममा एक सय ५० मिटर पूर्वमा रहेको स्थानीय टिकाबहादुर बुढाथोकीको माछापोखरीमा मृत फेला परेका हुन् ।
पोखरीमा डुबिरहेको फेला परेपछि प्रहरीलाई खबर गरेको जिल्ला प्रहरी कार्यालय खोटाङका प्रहरी निरीक्षक बेनु कार्कीले बताए । कार्कीका अनुसार शवको जिल्ला अस्पताल दिक्तेलमा पोष्टमार्टम गरिएको छ ।
प्रकाशित : श्रावण २७, २०८१ २०:१४
