२३.१२°C काठमाडौं
धनकुटा — धनकुटाको साँगुरीगढी गाउँपालिका–६ स्थित भेडेटारबाट प्रहरीले १३५ केजी गाँजा बरामद गरेको छ । धनकुटाबाट धरानतर्फ जाँदै गरेको को१ख ३८०८ नम्बरको मिनी ट्रक चेकजाँचका क्रममा उक्त परिमाणको गाँजा बरामद भएको प्रहरीले जनाएको छ ।
शंका लागि खानतलासी गर्दा ९ बोरामा राखिएको गाँजा फेला परेको इलाका प्रहरी कार्यालयका इन्चार्ज प्रहरी नायब निरीक्षक रमेश प्रधानले जानकारी दिए । उक्त गाँजा चालक बस्ने सिटपछाडि लुकाएर राखिएको अवस्थामा बरामद गरिएको प्रधानले बताए ।
चालक सहिदभूमि गाउँपालिका–५ का २८ वर्षीय भूमिराज राई र गाँजा बोक्न प्रयोग गरिएको गाडीलाई प्रहरीले नियन्त्रणमा लिएको छ ।
प्रकाशित : श्रावण २३, २०८१ १९:३५
