कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १९६

झापामा सशस्त्र प्रहरीको खुकुरी प्रहारबाट ६ जना घाइते 

कान्तिपुर संवाददाता

झापा — झापा मेचीनगरको गैरीगाउँका ६ जना स्थानीयमाथि सशस्त्र प्रहरीले खुकुरी प्रहार गरी घाइते बनाएको छ । तस्करी नियन्त्रण गर्ने विषयमा भएको विवादमा शुक्रबार राति ८ बजे सीमा सुरक्षा गुल्म, काँकडभिट्टाका सशस्त्र प्रहरीका कोट मास्टर र चालकले खुकुरीले हानेको स्थानीयले दाबी गरेका छन् ।

झापामा सशस्त्र प्रहरीको खुकुरी प्रहारबाट ६ जना घाइते 

खुकुरी प्रहारबाट दीपा बातरको हातको औंला काटिएको छ । हरि बातरको छातीमा गहिरो चोट लागेको छ ।

विशेष राजवंशी, मिलन चापागाईं, दीपक बातर र आनन्द यादव घाइते भएका छन् । घाइतेलाई उपचारका लागि बीएन्डसी अस्पताल विर्तामोड लगिएको छ । काँकडभिट्टास्थित नेपाल–भारत सीमाको ९०२/९०३ नम्बर सीमा स्तम्भ नजिक घटना भएको हो ।

सशस्त्र प्रहरी बल नम्बर २ गण हेडक्वार्टरका एसपी कविन्द्र राईले तस्करी गर्ने समूहले प्रहरीमाथि आक्रमण गर्दा विवाद भई सामान्य हात हालाहाल भएको दाबी गरे । उनले भने, ‘प्रारम्भिक सूचनाअनुसार सशस्त्र प्रहरीमाथि घेरा हालेर स्थानीयले आक्रमण गर्न खोजिएको देखिन्छ ।’

प्रकाशित : फाल्गुन १८, २०८० २१:५८
प्रतिक्रिया
पठाउनुहोस्
जनताको राय

सुदूरपश्चिममा नेकपा एकीकृत समाजवादी (एस) संघीय सत्ता गठबन्धनभन्दा फरक स्थानमा उभिनुको संकेत के हो ?