जंगली च्याउ खाँदा आमाको मृत्यु, छोरा सिकिस्त

मृत्यु हुनेमा चुलीवनमा बस्दै आएका सहिदभूमि गाउँपालिका-३ का २८ वर्षीया मुना राई रहेको प्रहरीले जनाएको छ । उनका ७ वर्षका छोरा सचिन सिकिस्त बिरामी रहेको जनाइएको छ ।

गत सोमबार जंगलबाट च्याउ ल्याएर खाएका आमाछोरा अत्यधिक वान्ता र झाडापखालाबाट गम्भीर बिरामी परेपछि उपचारका लागि धनकुटा जिल्ला अस्पतालमा लगिएको थियो । थप उपचारका लागि बीपी कोइराला स्वास्थ्य विज्ञान प्रतिष्ठान लगिएकोमा मुनाको मृत्यु भएको अस्पताल स्रोतले जनाएको छ ।

छोरा सचिनको भने प्रतिष्ठानमै आईसीयूमा राखेर उपचार भइरहेको छ ।