चटयाङले लागेर बालकको मृत्यु 

डिल्लीराम खतिवडा

उदयपुर — कटारी नगरपालिका – १२ चिलाउनेमा चटयाङ लागेर मंगलबार दिउँसो एक बालकको मृत्यु भएको छ ।

वर्षातसँगै परेको चट्याङ लागेर स्थानीय निमा तामाङको १२ वर्षीय छोरा खडगबहादुर तामाङको मृत्यु भएको प्रहरी उपरिक्षक ज्ञानेन्द्रप्रसाद फुयाँलले बताए ।

गोठमा बसिरहेको अवस्थामा चट्याङ लाग्दा खडगबहादुरको घटनास्थलमा नै मृत्यु भएको प्रहरी उपरीक्षक फुयाँलले बताए ।

प्रकाशित : जेष्ठ ९, २०८० १८:२७
प्रतिक्रिया
पठाउनुहोस्

ए डिभिजन लिग : खुमलटार र पुलिस विजयी

कान्तिपुर संवाददाता

काठमाडौँ — सहिद स्मारक लिग ए डिभिजन ०७९–०८० को पुछारमा रहेको खुमलटारले मंगलबार दशरथ रंगशालामा भएको खेलमा सातदोबाटोलाई १–० ले स्तब्ध पारेको छ । खुमलटारको जितमा मेसुके ओलुमोउले ३७ औं मिनेटमा निर्णायक गोल गरे ।

यस जितपछि खुमलटारको २१ अंक भएको छ भने सातदोबाटो २९ अंकमा सीमित रह्यो । मंगलबारको अर्को खेलमा पुलिस विजयी रह्यो र उसले सातदोबाटोमा भएको खेलमा थ्री स्टारलाई १–० ले नै पराजित गर्‍यो ।

पुलिसका लागि अहमद हिजाजीले २८औं मिनेटमा निर्णायक गोल गरे । यो जितपछि पुलिसको २५ अंक भयो । खराव लयबाट गुज्रिरहेको थ्री स्टार २६ अंकमै रोकियो ।

प्रकाशित : जेष्ठ ९, २०८० १८:२४
पूरा पढ्नुहोस्
प्रतिक्रिया
पठाउनुहोस्
×