२५.१२°C काठमाडौं
काठमाडौंमा वायुको गुणस्तर: १५२

अलपत्र यात्रुलाई हेलिकोप्टरबाट सोलु पुर्‍याइयो

टीकाप्रसाद भट्ट

रामेछाप — सोलुखुम्बुको मौसम खराब भएपछि रामेछाप विमानस्थलमा अलपत्र परेका यात्रुहरूलाई सोमबार हेलिकोप्टरबाट सोलु पुर्‍याइएको छ ।

अलपत्र यात्रुलाई हेलिकोप्टरबाट सोलु पुर्‍याइयो

रामेछाप नागरिक उड्यन कार्यालयका अनुसार जहाजको उडान हुन नसकेपछि हेलिकोप्टर चार्टर गरेर यात्रुहरु सोलुतर्फ गएका हुन् । सोमबार रामेछाप विमानस्थलबाट विभिन्न कम्पनीका हेलिकोप्टरले ६ वटा उडान गरेका थिए ।

बसन्त ऋतुमा सगरमाथातर्फ जाने पर्यटकलाई लक्षित गरी निजी क्षेत्रका केही वायु सेवा कम्पनीले केही दिनदेखि रामेछाप विमानस्थलबाट लुक्लाको उडान थालेका थिए । यद्यपि चैतको १२ गतेबाट मात्र औैपचारिक उडान हुने तालिका रहेको रामेछाप विमानस्थल कार्यालयकी प्रमुख सरिता पाण्डेले बताइन् ।

‘चैत १२ देखि रामेछाप विमानस्थलमानै जहाज पार्किङ गरेर लुक्लातर्फको उडान गर्ने तालिका प्राप्त भएको छ,’ पाण्डेले भनिन् ।

गएको सिजनमा रामेछाप विमानस्थलमा ६ वटासम्म जहाज रात्रिकालीन पार्किङ राखेर निजी क्षेत्रको सीता, समिट र तारा एयरले लुक्लातर्फ उडान गरेका थिए । सगरमाथातर्फ जाने पर्यटकको माग बमोजिम काठमाडौंबाट मात्र उडान गर्दा सेवा दिन नसक्ने भएपछि खाली रहेको रामेछाप विमानस्थलबाट उडान गर्न वायुयान कम्पनी आउने गरेका छन् ।

रामेछाप विमानस्थलबाट उडानका लागि पर्यटकहरुलाई काठमाडौंबाट १ सय ३० किलोमिटर सडक मार्गबाट यात्रुहरु ओसारेर रामेछाप ल्याउने गरिएको र त्यहाँबाट उडान मार्फत लुक्ला लैजाने र ल्याउने गरिएको छ । गएको पर्यटकीय सिजन सेप्टेम्बर र अक्टोबरमा रामेछाप विमानस्थलबाट दैनिक ४५ वटा उडान भएका थिए । सोलुबाट रामेछाप सम्म जहाजमा ल्याइएका पर्यटकहरुलाई त्यसपछि फेरि सडक मार्गबाटै काठमाडौं पठाउने गरिएको छ ।

प्रकाशित : चैत्र ६, २०७९ १९:५१
प्रतिक्रिया
पठाउनुहोस्
जनताको राय

मंसिरदेखि दूधको भुक्तानी नपाएपछि विरोधमा उत्रिएका किसानमाथि प्रहरीले धरपकड गरेकोबारे तपाईंको के टिप्पणी छ ?

x